पूर्वमिस नेपाल शृंखला खतिवडाले बिहीबार प्रेमी सम्भव स्वाँर सिरोहियासँग लगनगाँठो बाँधेकी छिन् । सम्भव कान्तिपुर मिडिया ग्रुपका प्रबन्ध निर्देशक हुन् ।

काठमाडौंको पाँचतारे हायत होटलमा तामझामका साथ शृंखला र सम्भवको विवाह भएको हो । सन् २०१८ की मिस नेपाल श्रृंखला दुई वर्षदेखि सम्भवसँग प्रेम सम्बन्धमा थिइन् । सम्भव सञ्चार उद्यमी कैलाश सिरोहियाका छोरा हुन् भने श्रृंखला पूर्वमन्त्री एवं नेकपा एकीकृत समाजवादीका नेता बिरोध खतिवडा र मुनु खतिवडाकी छोरी हुन् ।

बेहुलीको रातो पोशाक, शृंगार र दुबोको मालामा श्रृंखला खुलेकी छिन् । सन् २०१८ की मिस नेपाल विजेता श्रृंखला सोही वर्षको विश्व सुन्दरी प्रतियोगितामा अन्तिम १२ मा पुगेकी थिइन् । त्यसबेला मिस वर्ल्डको महत्त्वपूर्ण विधा ‘ब्युटी विथ पर्पस’ पनि जितेकी थिइन् । मिस वर्ल्डमा उनले प्रस्तुत गरेको भिडियो डकुमेन्ट्री चर्चित थियो ।

विवाह समारोहमा दुवै पक्षका परिवार, आफन्तजनहरुको सहभागिता छ । दुई वर्षदेखिको प्रेम सम्बन्धपछि शृंखला र सम्भवको विवाह भएको हो ।