पोखरा घुम्न आएपछि प्याराग्लाइडिङ चढेर हावामा कावा खाने रहर सबैलाई लाग्छ । केही समय अघिसम्म एक उडानकै १२ हजार रुपैंया शुल्क तिर्नुपर्दा कतिले आँट्न सकेका थिएनन् ।
प्याराग्लाइडिङ उडानमा लगाइएको एकद्वार प्रणालिको प्रावधान हटेपछि अहिले भने प्याराग्लाइडिङ उडानको शुल्क ह्वात्तै घटेको छ। अहिले ३ देखि ४ हजार रुपैयाँमा उडाउन थालेका छन्। १५ देखि २० मिनेट उड्न सक्नेछन् ।
प्याराग्लाइडिङ उडानमा एकद्वार प्रणालि लागु गर्ने वा प्रतिश्पर्धात्मक रुपमा व्यावसाय गर्न दिने भन्ने विषयमा विवाद बढ्दै जाँदा केहीदिन अघि प्याराग्लाइडिङ उडान रोकिएको थियो। प्याराग्लाइडिङ व्यावसायी, व्यावसायीको छाता संस्था नेपाल हवाई खेलकुद संस्था (ना) र पाइलटबीच विवादका कारण झन्डै २ सातासम्म उडान अवरुद्ध भएको थियो।
हवाई सेवाको नियमनकारी निकाय नेपाल नागरिक उड्डयन प्राधिकरण (क्यान)ले समेत विवादका बीच उडान गर्दा जोखिम हुने भन्दै प्याराग्लाइडिङ उडानमा रोक लगाएको थियो। तर, खुला बजार नीति अनुसार व्यावसायी आफैले मूल्य तोकेर उडान गर्न पाउने गरि सहमति भएपछि उडान खुला भएको थियो।
अहिले पोखराको आकाशमा उडान गर्दा बढीमा ४ हजार रुपैयाँ लिएको व्यवसायीले बताएका छन्। यात्रु तान्ने होडमा कतिपयले ३ हजार रुपैयाँसम्ममा पनि उडान गरिरहेको व्यवसायीले नै बताएका छन्।
व्यावसायी, छाता संस्था र पाइलटबीचको विवादले उडान नै रोकिएपछि प्राधिकरणले छाता संस्था ना लाई मूल्य नतोक्न निर्देशन दिएको थियो।
सम्बन्धित खबर
श्रष्टा नरहरि भट्टराईको उपन्यास ‘शान्ति’ लोकार्पण
पोखरामा पर्यटक बढाउन प्रकृति र संस्कृति महत्वपूर्ण : मुख्यमन्त्री अधिकारी
नेपाल राष्ट्रिय शिक्षक सङ्गठन, पोखरा महानगरको कार्यशाला
पोखरामा सडक दौड: तेञ्जेन र कविता प्रथम
दुई वर्ष पुग्न लाग्दा पनि बनेन हरिचोक–याम्दी सडक
पोखरा जेसीजको ७ दिनमा, ७ कार्यक्रम
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग