पाेखरा । पाेखराकाे न्यूराेड स्थित भाटभटेनी परिसरमा स्कुटर दुर्घटना हुँदा एक महिला गम्भीर घाईते भएकी छन् ।
ग्राउण्ड फ्लाेरकाे पार्किङ स्थलमा जाने क्रममा अाेरालाेमा पुग्ने ठाउँमा एक्कासी स्कुटर चिप्लिँदा पाेखरा सिम्पानीकी बिन्दु तामाङकाे दाहिने खुट्टा भाँच्चिएकाे हाे । उनकाे नली खुट्टा छालाले मात्र छुट्टिन बाँकी हुने गरी भाँच्चिएकाे छ । हड्डी नै पुरै भाँचिदा खुट्टा नै दुइ टुक्रा भएको छ ।
ग१०प ३९४३ नम्बरकाे स्कुटरमा सवार उनी पानी परेका बेला अत्यन्त चिप्लाे हुने साे ठाउँमा अाफूलाई नियन्त्रण गर्न नसक्दा एक्कासी लडेकी हुन् । उनलाई तत्काल मेट्राे सिटी हस्पिटल लगिएकाे छ ।
शनिबार अत्यन्त भिड, पानी पर्दा चिप्लाे भएकाले पनि साे ठाउँमा सवारी चलाउँदा डरमर्दाे छ । बाहिर पर्याप्त स्थान छैन भने दुई तला मुनि रहेकाे ग्राउण्ड फ्लाेर जान पनि अत्यन्त चिप्लाे छ । फस्टफ्लोरबाट तल खेल्ने ठाउँ र त्यो भन्दा पनि तल पार्किङस्थल भएकाले सो बिल्डिङमा दुई तल्ला तल पार्किङ गर्न पुग्नुपर्छ । अत्यन्त भिरालो सो बाटोमा यताबाट उता गाडी आउजाउ भएको देखिँदैन ।
घटनास्थलमा रहेका भाटभटेनीका ग्राहकले साे स्थानमा चालकहरूलाई कठिनाई रहेकाे बताए । भाटभटेनी सञ्चालकले यसतर्फ ध्यान दिएर चिप्लाे बाटाेलाई यथाशीघ्र बनाउन उनीहरूले माग गरेका छन् । घाईते परिवारले भाटभटेनी व्यवस्थापनले नि:शुल्क उपचार गरिदिनुपर्ने माग गरेकाे छ ।
तीन साता अघि मात्रै पार्किङमा रहेकाे कारमा आगो लाग्दा ठूलो दुर्घटना टरेको थियो ।
सम्बन्धित खबर
पोखराबाट पर्वतको सेतीवेणी हुँदै गुल्मीको रिडीसम्म ५६ किमि सडक ट्रयाक खुल्यो
पोखरा जोड्ने राजमार्गको बिजोग: हिलो र धुलोले सास्ती
पोखरामा पर्यटकलाई राम्रो होटल मिलाइदिने भन्दै बार्गेनिङ गर्नेहरू पक्राउ
ट्राफिक नियम पालना गर्न झन्झट नमानौं: मुख्यमन्त्री अधिकारी
पोखरा १० मा आधारभूत ब्यूटिसियन तालिम सुरु
जन्मदिनको अवसरमा युवा यातायात व्यवसायी मल्लद्वारा वृद्धाश्रममा सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग