म्याग्दीको सदरमुकाम बेनीबजारमा बिहिबार साँझ चक्कु र खुकुरी प्रहार गरी एक युवाको हत्यामा संलग्न चार जनालाई प्रहरीले पक्राउ गरेको छ ।
दुई युवा समूहबीचको विवादमा धारिलो चक्कु र खुकुरी प्रहार गरी जिल्लाको रघुगंगा गाउँपालिका–१,बेग घर भई हाल बेनी स्थित पिपलचोक बस्दै आएका २१ वर्षिय सुशिल गर्बुजाको हत्या भएकोमा संलग्नमध्ये चारजनालाई प्रहरीले सार्वजनिक गरेको हो ।
धवलागिरी गाउँपालिका–४ का अमृत पुर्जा, रघुगंगा गाउँपालिका–७ घर भई गलेश्वर बस्ने १९ वर्षिय उत्सव पुन,धवलागिरी–४ घर भई बेनी बस्ने २१ वर्षिय शंकर घर्ती, मंगला गाउँपालिका–२ घर भई बेनी बस्ने २३ वर्षिय प्रविन जिसीलाई पक्राउ गरिएको छ ।
घटनामा संलग्न अन्यको समेत खोजी र अनुसन्धान भइरहेको प्रहरीले जनाएको छ । पक्राउ गरिएका चारैजनालाई जिल्ला अदालत म्याग्दीबाट पाँच दिनको म्याद थप गरी अनुसन्धान अगाडि बढाइएको प्रहरी नायव उपरीक्षक मदन कुँवरले जानकारी दिएका छन् ।
घटना दुबैपक्ष बिचको विवाद खुकुरी र चक्कु प्रहारको अवस्थामा पुगेको थियो । बेनी स्थित विभिन्न ठाउँमा लुकेर रहेको अवस्थामा उनिहरुलाई पक्राउ गरिएको र अभियुक्त र घटनास्थलबाट एक थान चक्कु र एक थान खुकुरी बरामद गरिएको प्रहरीले बताएको छ ।
यी दुई युवा समूहबीच लामो समयदेखि रिसइबीका कारण पटकपटक झडप हुने गरेको स्थानीय बताउँछन् । विहिबार साँझ न्यूरोडमा झडप भएपछि भित्री गल्लीमा सुशिल गर्बुजामाथि खुकुरी प्रहार गरी सख्त घाइते बनाएका थिए । केही समयपछि नै बेनी अस्पतालमा मृत्यु भएका गर्बुजाको शव अस्पतालकै शवगृहमा राखिएको छ । घटनामा संलग्नको पहिचान सहित कडा कारबाहीको माग गर्दै आफन्तले शव उठाएका छैनन् ।
सम्बन्धित समाचारः
सम्बन्धित खबर
बागलुङको अमलाचौर र नारायणस्थानका विद्यालयमा शैक्षिक सामाग्री वितरण
प्रतिभामा लोकतान्त्रिक निर्वाचन प्रक्रियाको अभ्यासः सदनको कप्तान, उपकप्तान चुनावबाटै चयन
१० महिनामा एक लाख ७७ हजार पर्यटकले अन्नपूर्ण क्षेत्रको भ्रमण गरे
मुस्ताङमा दुई भारतीय पर्यटकको हेली उद्धार
तनहुँको घुम्ती–रानीटारी खण्डको नौ किमी स्तरोन्नति गरिँदै
बागलुङको ढोरपाटनमा जीप दुर्घटना हुँदा १६ जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग