पोखरा महानगरपालिका वडा नं. ७ स्थित माछापुच्छ्रे टोल विकास संस्थाले त्यहाँ निर्मित बुटिक चौतारा र राखिएका बेन्च उद्घाटन गरेको छ ।
कार्यक्रमका प्रमुख अतिथि वडा अध्यक्ष राममोहन आचार्यले यस टोललाई नमुना टोल घोषणा गर्न तोकिएका मापदण्ड पूरा गर्नुपर्ने भएकाले त्यसमा लागिपर्न आग्रह गर्दै माछापुच्छ्रे टोल वडाकै उत्कृष्ट टोल रहेको बताए ।
टोलका सल्लाहकार समेत रहेका सहयोगदाता ओम गौचनले टोलबासी सबै मिलेर बस्नुपर्ने र नमुना टोल बनाउन अग्रसर हुनुपर्ने बताए ।
वडा सदस्य अर्जुन थापाले वडाबाट टोकन रकम दिएकोमा टोलबासी आफैले सहयोग जुटाएर उत्कृष्ट र राम्रो काम गरेको भन्दै खुशी व्यक्त गरे । पूर्व वडा सदस्य दिनबन्धु पौडेलले छोटो समयमा टोलले राम्रो काम गरेको बताए ।
कार्यक्रममा सल्लाहकार अमृत बराल, सहयोगदाता रमानन्द पौडेल, माछापुच्छ्रे टोल महिला क्लब अध्यक्ष गीता पौडेलले शुभकामना व्यक्त गरे ।
कार्यक्रममा आर्थिक प्रतिवेदन कोषाध्यक्ष संगीता खनाल शर्माले गरिन् । उनले चौतारी बनाउँदा १ लाख र बेञ्चमा ६१ हजार खर्च भएको बताइन् ।
चन्द्र, रुमिला शेचनले बुबा आमाको स्मृतिमा ५० हजार र वडा तथा वडाबासीबाट सहयोग सकंलन गरी चौतारी बनाइएको उनले जानकारी दिइन् ।
अध्यक्ष मित्र बन्धु शर्मा भट्टराईको अध्यक्षतामा भएको कार्यक्रममा उपाध्यक्ष हेमलाल श्रेष्ठले स्वागत तथा सचिव लोकनाथ आचार्यले सञ्चालन गरेका थिए ।
सम्बन्धित खबर
पोखरा महानगरले ल्यायो ७ अर्ब १५ करोडको बजेट
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
पोखरामा मोटरसाइकलको ठक्करबाट स्कूटरमा सवार १७ वर्षीय सिर्जनको निधन
रास्वपा पोखरा महानगर सभापतिमा योगेन्द्र केसी सर्वसम्मत चयन
शिशुवामा युआरएलको शिविर, ६ सय १ जनाको सित्तैमा जाँच
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
फेवातालमा बेपत्ता युवकको शव फेला
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्