पोखरा । समाचार लेखेको विषयमा पत्रकार फणिन्द्र अधिकारी र उनका परिवारलाई धम्की दिइएको भन्दै पोखरा २२ का व्यवसायी मेखबहादुर क्षेत्री (राजु)लाई कारवाही गर्न प्रेस सेन्टर नेपाल गण्डकी प्रदेश समिति र जिल्ला समिति कास्कीले माग गरेको छ ।
प्रेस सेन्टर नेपाल गण्डकी प्रदेश समितिका महासचिव सन्तोष गौतम र जिल्ला समिति कास्कीका सचिव पुष्प दाहालले छुट्टाछुट्टै प्रेस विज्ञप्ति जारी गर्दै भयरहित वातावरणमा स्वतन्त्रतापूर्वक पत्रकारिता पेशा गर्न पाउने अवस्थाको सिर्जना गराउन सम्बन्धित पक्षसँग माग पनि गरेको छ ।
गोरखापत्र राष्ट्रिय दैनिक पत्रिकाका लेखनाथ समाचारदाता र नेपाल दूत डटकमका सम्पादक फणिन्द्र अकिञ्चनले पोखरा महानगरपालिका वडा नं. २२ पुम्दीभुम्दीस्थित वन अतिक्रमण गर्ने २२ जना विरुद्ध डिभिजन वन कार्यालय कास्कीले चैत १३ गते कास्की जिल्ला अदालतमा २२ जना विरुद्ध दायर गरेको मुद्दाका विषयमा समाचार लेखेका थिए ।
सोही समाचारको विषयलाई लिएर यही चैत १६ गते मुद्दाका मुख्य आरोपी मेखबहादुर क्षेत्री (राजु)ले पत्रकार फणिन्द्र र उनको परिवारका सदस्यलाई फोन र म्यासेज गरेर धम्क्याएको पत्रकार अधिकारीले जानकारी दिएका छन् ।
अदालतमा सरकारी निकायले मुद्दा दर्ता गरेको विषयमा समाचार लेख्ने पत्रकारलाई धम्की दिनु दुःखद र आपत्तिजनक भएको विज्ञप्तिमा उल्लेख गरिएको छ ।
समाचारका विषयमा चित्त नबुझे प्रेस काउन्सिल नेपाल लगायत नियमनकारी निकायमा उजुरी गरेर कानुनी उपचार खोज्न पाउने व्यवस्था हुँदाहुँदैं पत्रकारलाई धम्काईएको भन्दैं प्रेस सेन्टर नेपालले आपत्ति जनाएको छ ।
सम्बन्धित समाचारः
पत्रकार अकिञ्चनमाथि कार्यक्रममै दुर्व्यवहार, महासंघ, चौतारी, सेन्टरद्वारा आपत्ति
सम्बन्धित खबर
पोखरामा लागूऔषध खैरो हिरोईनसहित २ जना पक्राउ
स्याङ्जाका काँग्रेस नेता खगेन्द्रराज रेग्मीको निधन
पृथ्वी राजमार्गमा सास्ती: हिलो र धुलोले हैरान
गण्डकीका भलिबल खेलाडी स्याङ्जामा सम्मानित
ट्राफिक सप्ताह -२०८१ सम्पन्न
पोखरा वडा नं. १५ द्वारा ‘खेल्छ गण्डकी’का प्रशिक्षार्थी टेनिस खेलाडीलाई सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग