फिल्म चर्चा

दीपक मनाङेको फिल्म ‘कंगारु’ मा माग्ने बुढा, मुन्द्रे र अर्पण थापा अनुबन्धित

सस्पेन्स, थ्रिलर र कमेडी जनरामा निर्माण गरिने

गण्डक न्यूज शनिबार, १ असार २०८१

१ असार २०८१

फिल्म निर्माता तथा गण्डकी प्रदेशका भौतिक पूर्वाधारमन्त्री राजिव गुरुङ ‘दीपक मनाङ्गे’को नयाँ फिल्म कंगारुमा कलाकार केदार घिमिरे ‘माग्ने बुढा’, जितु नेपाल ‘मुन्द्रे’ र अर्पण थापा अनुबन्धित भइसकेका छन् ।

फिल्म ‘कंगारु’लाई सम्राट बस्नेतले निर्देशन गर्नेछन् । मनाङेले यसअघि पोइ पर्‍यो काले, दुई नम्बरी फिल्म निर्माण गरेका छन् । ‘कंगारु’पछि सविन श्रेष्ठलाई लिएर ‘बाघचाल’ बनाउने उनको तयारी छ ।

‘कंगारु’लाई सस्पेन्स, थ्रिलर र कमेडी जनरामा निर्माण गरिने निर्देशक बस्नेतले बताए । यसअघि उनले निर्देशन गरेको फिल्म ‘लाखे’लाई एक्सन जनरामा निर्माण गरिएको थियो ।

अष्ट्रेलियामा छायांकन थलोको खोजी गरिरहेका बस्नेतले अर्को साता लिड अभिनेत्री तय हुने बताए ।

३५ दिनको छायांकन सेड्युल तय गरिएको फिल्मको छायांकन अष्ट्रेलियाको सिड्नी, न्यूकासल, क्यानबेरा लगायतका क्षेत्रमा गरिने उनले बताए ।

यो फिल्म फुलमुन मोसन पिक्चर्स र उत्तरगया म्युजिक एन्ड फिल्मसँग एसजिटि प्रोडक्सन प्रालिको सहकार्यमा निर्माण हुन लागेको हो । फिल्ममा प्रेम थापा, धन बहादुर गुरुङ ‘डिबी’ र मनोज भण्डारी ‘म्याक्स’ निर्माताको रुपमा छन् ।

सह-निर्मातामा अन्जन दुरा र लक्ष्मी राई छन् भने कार्यकारी निर्माता टीका भण्डारी हुन् । छायाँकार सुशन प्रजापति हुन् ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।