हेमजा भेट्रान्स कपको उपाधि पोखरा वडा नं. १३ ले हात पारेको छ ।

शुक्रवार भएको फाइनल खेलमा वडा नं. १३ ले वडा नं. १२ लाई ३–० गोल अन्तरले पराजित गर्दै विजेना बन्यो । खोलको ७ औं मिनेटमा नरेन्द्रजगं गुरुङले पहिलो गरे । साथै, राजकुमार गुरुङले खेलको ६२ र ६६ औं मिनेटमा गरी थप २ गोल गर्न सफल भए ।

प्रतियोगिताको विजेताले नगद १ लाख ११ हजार ११ र उपविजेताले ५५ हजार ५ सय ५५ नगद सहित ट्रफी, मेडल र प्रमाणपत्र प्राप्त गरे ।

साथै, वडा नं. १२ का नितेस क्षेष्ठ प्रतियोगिताको सर्वोकृष्ट खेलाडी घोषित हुँदै नगद ५ हजार र ट्रफी प्राप्त गरे ।

वडा नं. १३ का राजकुमार गुरुङ सर्वाधिक गोलकर्ता, खम बहादुर गुरुङ उत्कृष्ट गोलरक्षक, अमित परियार वेष्ट डिफेन्डर, बिजय कुमार वेष्ट मिडफिल्ड, नरेन्द्रजगं गुरुङ बेष्ट फरवार्ड घाेषित हुँदै प्रत्येकले नगद २ हजार र ट्रफी प्राप्त गरे ।

प्रतियोगितामा पोखरा महानगरपालिकाका १३ वटा वडाका १४ टीमको सहभागिता रहेको थियो ।

हेमजा यूनाईटेडको आयोजना तथा पोखरा महानगरपालिकाको संरक्षणमा पोखरा–२५ हेमजा, गौरीशंकर खेलमैदानमा असार १ गतेदेखि जारी सञ्चालित  कपमा  शुक्रवार दर्शकको उल्लेखनिय उपस्थिति थियो ।