पोखरा वडा नं. १५ नयाँ गाउँमा अवस्थित आइएसएमटी कलेज पोखरामा स्पोर्टस् मीट सम्पन्न भएको छ । कलेजमा अध्ययनरत छात्र र छात्राबीच आधा दर्जन बढी खेलहरु खेलाइएको थियो ।

ब्याडमिन्टन, टेबलटेनिस, चेस, उनो, बास्केटबल, फुटसल र पुल खेलमा विद्यार्थीहरु प्रतिस्पर्धामा उत्रिएका थिए ।

कलेजका अपरेशन म्यानेजर शिव पौडेलका अनुसार ब्याडमिन्टन छात्रतर्फ बिस्मित वाग्ले प्रथम, सुलभ थापा द्वितीय भए । डबलतर्फ गौरव बराल र सक्षम रानाको स्मास ब्रोज् प्रथम, बिस्मित वाग्ले र आशिष थापाको र्‍याकेट रुलर्स दोस्रो भयो ।

ब्याडमिन्टन छात्रातर्फ रोशनी थापा विजेता हुँदा एलिशा केसी उपविजेता बनिन् । डबलतर्फ रोशनी थापा र एलिशा केसीको सटल सिस्टर्स विजेता र एलिना श्रेष्ठ र करुण भण्डारीको नेट निन्जास् उपविजेता बन्यो ।

टेबलटेनिस छात्रतर्फ बिकल कार्की प्रथम, विपिन पौडेल दोस्रो बने । डबल्सतर्फ बिकल कार्की र संगम प्रधानको एस् एभन्जर प्रथम, सन्दीप श्रेष्ठ र आशिष बानियाँको स्पिन मास्टर दोस्रो बन्यो ।

टेबलटेनिस छात्रा तर्फ रोशनी थापा प्रथम, एलिशा केसी दोस्रो बनिन् । डबल्सतर्फ रोशनी थापा र एलिशा केसीको स्पिन सिस्टर्स प्रथम, एलिना श्रेष्ठ र करुण भण्डारीको र्याली क्वीन्स दोस्रो बने ।

चेसतर्फ सफल कार्की विजेता हुँदा संगम प्रधान उपविजेता बने । उनोमा आशिष बानियाँ प्रथम भए भने शुलभ थापा दोस्रो बने ।

बास्केटबल छात्रतर्फ तविन पाइजाको टोली(एल.ए लेकर्स) विजेता बन्यो भने जोन गुरुङको टोली (गोल्डेन वोरियार्स) उपविजेता बन्यो ।

फुटसल छात्रातर्फ एलिसा के.सीको समूह विजेता घोषित भयो । फुटसल छात्रतर्फ शुलभ थापाको टीम (टीम डीबगर्स) प्रथम हुँदा सन्दिप श्रेष्ठको टीम(टीम हसिना) दोस्रो भयो ।

पुल खेलको छात्रतर्फ सुमित पुन विजेता र सोहन थापा उपविजेता भए । छात्रा तर्फ रोशनी थापा विजेता घोषित भइन् ।

आइएसएमटी कलेज पोखरा बेलायतको प्रख्यात शैक्षिक संस्था युनिर्भसिटी अफ सन्डरल्याण्डबाट सम्बन्धन प्राप्त शिक्षण संस्था हो ।

आइएसएमटी ग्रुप अन्तर्गत नेपालका प्रमुख शहरहरु पोखरा लगायत काठमाडौँ, चितवन, विराटनगर र बुटवलमा पनि कलेजहरु सञ्चालनमा रहेका छन् ।

कलेजप्रति विद्यार्थीको आकर्षण बढ्दो छ । नेपालमा अन्तर्राष्ट्रिय मान्यता प्राप्त गुणस्तरीय शिक्षाको सपना साकार पार्ने कार्यमा आइएसएमटी कलेज पोखरा प्रतिबद्ध रहेको कलेजले जनाएको छ ।