पोखरा । हिमालयन फ्रेन्ड्स चाइल्ड क्लब आयोजनामा पोखरामा यही ४–५ साउनमा यु–२० चेस प्रतियोगिता हुने भएको छ ।

अन्तर्राष्ट्रिय बुद्धिचाल संघ १०० वर्ष पुगेको अवसरमा क्लबले दोस्रो संस्करणको प्रतियोगिता गर्न लागेको बिहीबार पत्रकार सम्मेलन गरी जानकारी दिएको हो ।

प्रतियोगितामा २० वर्षमुनिका खेलाडी खुला रुपमा सहभागिता जनाउन पाउने संयोजक रामबहादुर क्षत्रीले जानकारी दिए । प्रतियोगितामा स्वीच लिग आधारमा ¥यापिड रेटिङमा ९ चरणमा प्रतिस्पर्धा हुनेछ । अहिलेसम्म १ सय १० जना खेलाडीले नाम दर्ता गरिसकेका छन् ।

प्रतियोगितामा यु–१०, यु–१४, यु–१६ र यु–२० गरी ४ विधामा खेलाइने क्लब अध्यक्ष परिवेश थापाले जानकारी दिए । विधा फरक भए पनि १५ मिनेटभित्र सकिने स्पर्धा भएकाले खेलाडीहरुले प्राप्त गरेको अंक आधारमा विजेता टुंगो लगाइने उनले बताए ।

प्रथम, द्वितीय र तृतीयले क्रमशः २ हजार, १ हजार ५ सय र १ हजार रुयैयाँ साथमा ट्रफी, मेडल र प्रमाणपत्र प्राप्त गर्ने संयोजक क्षत्रीले जानकारी दिए । यस्तै, सान्त्वना हुने २ जनासँगै प्रत्येक विधामा उत्कृष्ट खेलाडीलाई ५÷५ सय रुपैयाँ पुरस्कार प्रदान गरिने उनले बताए ।