पोखरा । कास्कीको रुपा गाउँपालिकाले डढेलोबाट वन जोगाउन सफल सामुदायिक वन समूहलाई २० हजार नगद पुरस्कार दिने घोषणा गरेको छ ।

सामुदायिक वन दिवसको अवसरमा ठुलो वन समूहद्वारा निर्मित हरियाली पार्कमा आयोजित वृक्षारोपण कार्यक्रममा गाउँपालिका अध्यक्ष नवराज ओझाले सो घोषणा गरेका हुन् । गाउँपालिकामा ५६ वटा सामुदायिक वन उपभोक्ता समूह रहेका छन् ।

वन क्षेत्रमा आगो लगाउँदा जैविक विविधता, वन्य जन्तु सहित वातावरणीय असर पर्ने हुँदा त्यस्तो आपराधिक काम रोक्नका लागि गाविसले यसै आर्थिक बर्षबाट पुरस्कृत गर्ने जानकारी दिँदै उनले भने – “डढेलोबाट वन जोगाउन सामूहिक प्रोत्साहनस्वरुप पुरस्कृत गरिने भएको हो ।”

“सामुदायिक वनको प्रभावकारीता, तीन तहको सरकार र समुदायको सहभागिता” भन्ने मुख्य नाराका साथ जिल्ला महासंघ कास्कीको आयोजना एवम् डिभिजन वन कार्यालय कास्की र (युएसएआडी) जल जंगलको आर्थिक सहयोगमा आयोजित कार्यक्रममा असोका, धुपी, तेजपात, अमला लगायत विभिन्न जातका ४० वटा विरुवा रोपिएको थियो ।

कार्यक्रममा सामुदायिक वन उपभोक्ता महासंघ नेपालका केन्द्रीय सदस्य एवम् जिल्ला समन्वय समिति कास्कीका उपप्रमुख सरिता कुमालले रोपिएका विरुवाको संरक्षण गर्दै प्राकृतिक श्रोतलाई समृद्धिको आधार बनाउनु पर्नेमा जोड दिए ।

सामुदायिक वन उपभोक्ता महासंघ नेपाल गण्डकी प्रदेशका अध्यक्ष कालिदास सुवेदीले वनको संरक्षण, संवद्र्धन र विकासमा योगदान गर्दै आएका उपभोक्ताले वनको सहजरुपमा उपयोग गर्दै आम्दानीको श्रोतकोरुपमा विकास गरिनु अपरिहार्य भएको बताए ।

डिभिजन वन कार्यालय कास्कीका प्रमुख कोमलराज काप्mलेले सामुदायिक वन क्षेत्रमा रहेका पुराना रुख निकाल्न उपभोक्तालाई सुझाव दिंदै त्यसका लागि कार्यालयकोतर्पmबाट आवश्यक सहयोग गर्ने प्रतिवद्धता व्यक्त गरे ।

ठुलोवन समुहका अध्यक्ष ईश्वर श्रेष्ठको अध्यक्षतामा भएको कार्यक्रममा महासंघ गण्डकी प्रदेशका अध्यक्ष कालिदास सुवेदी, जिल्ला महासंघ कास्कीका अध्यक्ष विश्वनाथ लामिछानेले वन दिवसको महत्व माथि प्रकाश पारेका थिए ।