पोखरा । तनहुँको भानु नगरपालीका – ३ तुरतुरेमा बस पल्टिँदा सहचालकको ज्यान गएको छ । डुम्रेबाट बेशीशहरतर्फ गईरहेको ग१ख ४४४५ नं.को बस आफै अनियन्त्रित भई सडकको बाँया साईडमा पल्टिएको थियो ।

सहचालक भानु नगरपालिका १ सालबिस्ने बस्ने २७ वर्षीय ज्ञान ब. तामाङ घाईते भई उपचारको लागी लक्ष्मी अस्पताल डुम्रे पठाईएकोमा उपचारको उनको मृत्यू भएको प्रहरीले जानकारी दिएको छ । घटनास्थलमा तत्कालै प्रहरी टोली खटिई गई चालकलाई नियन्त्रणमा लिईएको छ ।

कास्कीः बिक मृत अवस्थामा फेला

यता, पोखरा लेखनाथ महानगरपालिका २२ फुस्रेखोला चिसापानी बस्ने ६० वर्षिया रेणुका वि.क.आफ्नै घरमा मृत अवस्थामा भेटिएकी छिन् । जानकारी प्राप्त हुनासाथ तत्कालै घटनास्थलमा प्रहरी टोली खटिई गई थप अनुसन्धान भईरहेको प्रदेश प्रहरी कार्यालयका एसपी नवराज भट्टले जनाएका छन् ।

तनहुँः बृद्ध मृत अवस्थामा फेला

तनहुँमा एक बृद्ध मृत अवस्थामा भेटिएका छन् । शनिबार बिहान साढे ७ बजे ब्यास ११ स्थित आफ्नै घरबाट निस्केर त्यसपछि सम्पर्कविहीन बनेका लेखबहादुर राना आज पूर्वान्ह मृत अवस्थामा भेटिएका हुन् । भानु ६ नारिनबोटमा उनको शव भेटिएपछि प्रहरीले थप अनुसन्धान गरिरहेको तनहुँ प्रहरी प्रवक्ता श्यामु अर्यालले जनाए ।

(फिचर तस्विर भदौ २१ गते तनहुँ बेलचौतारामा भएको दुर्घटनाको हो )