सांकेतिक तस्विर
पोखरा महानगरपालिका वडा नं. १९, तल्लाकोटमा सडक खन्ने क्रममा माथिबाट खसेको माटोको ढिस्कोले पुरिएर एक जनाको ज्यान गएको छ ।
मृत्यु हुनेमा धादिङको त्रिपुरासुन्दरी गाउँपालिका वडा नं. ५ (साविक आगिन्चोक गाविक वडा नं ८ सुनपोखरी) का ३१ बर्षीय नवीन बस्नेत छन् ।
वडा प्रहरी कार्यालय बगरका प्रमुख प्रहरी निरीक्षक देवराज भट्टराईका अनुसार आज बिहान करिब ८ बजे उक्त घटना भएको हो ।
सडकका लागि भित्तो काट्ने क्रममा माथिबाट ढिस्को खस्दा पुरिएर बस्नेत गम्भीर घाइते भएका थिए ।
उनलाई उद्दार गरी तत्कालै पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पतालमा ल्याइएको थियो । उनको उपचारकै क्रममा करिब ९ः३० बजे मृत्यु भएको प्रहरी निरीक्षक भट्टराईले जानकारी दिए ।
मृतक बस्नेतको श्रीमती र एक छोरी रहेको बताइएको छ । उनी तीन भाइमध्ये माइला हुन् । उनका बयोवृद्ध आमा छन् भने बुबाको धेरै अघि निधन भइसकेको छ । उनी पछिल्लो समय धादिङ नीलकण्ठ नगरपालिका वडा नं. ८ मा बस्दै आएका थिए ।
घटनालगत्तै प्रहरीले आफन्तजनलाई खबर गरेपछि मृतकका दाइ होमबहादुर बस्नेत र अन्य आफन्तजन पोखरा आइपुगेका छन् ।
धादिङ पोखरा सम्पर्क समाजकी अध्यक्ष सरस्वती श्रेष्ठ सरूले आफन्तको सल्लाहमा क्षतिपूर्ति सम्बन्धमा समाजले अगुवाई गर्ने बताइन् ।
सम्बन्धित खबर
पोखराको फिर्केखोला अतिक्रमण मुक्त बनाउने अभियान बीचमै रोकेपछि महानगरलाई ध्यानाकर्षण
संघीय कानुनसँग बाझिएपछि गण्डकी प्रदेश प्रमुख भट्टले प्रमाणीकरण नगरी फिर्ता गरे गाँजा विधेयक
लोकगीतमै नेपालीपन देख्ने जनकविकेशरी थापाको योगदान अविष्मरणीयः प्रदेश प्रमुख भट्ट
पोखराको पालिखेचोकमा मोटरसाइकल दुर्घटना, पर्वतका २४ वर्षीय सुनारको मृत्यु
पत्रकार केशव पाठकसहित सात जना प्रदेश खेलकुद पदकबाट विभुषित
बाल यौन दुर्व्यवहार आरोपमा पोखरा १२ स्थित सरस्वती आविका प्रअ रानाभाट पक्राउ
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो