पोखरा । नेपाल पात्रकार महासंघ कास्कीको आयोजना तथा पोखरा महानगरपालिकाको सहयोगमा आयोजित ३ दिने फोटो तथा मोबाइल पत्रकारिता तालिम मंगलबार सम्पन्न भएको छ ।

समापन सत्रमा बोल्दै जिल्ला समन्वय समिति कास्कीका प्रमुख लिलाधर पौडेलले तालिमले पत्रकारीता पेशामा निपूर्ण बन्न विशेष भूमिका खेल्ने बताए । उनले तथ्य र सत्य समाचार सम्प्रेशन गर्नु नै पत्रकारको मूल धर्म भएको बताउँदै आÇनो कर्मको सहि सदुपयोग गर्न आग्रह गरे ।

प्रमुख प्रशिक्षक वरिष्ठ फोटो पत्रकार एवं मोवाइल पत्रकारिता विशेषज्ञ विकास कार्कीले फोटो, भिडियोका लागि मोवाइलको उच्चतम प्रयोग गर्न सकिने बारे प्रशिक्षित गरे ।

वरिष्ठ फोटो पत्रकार द्धय राम गुरुङ र कृष्णमणि बरालले फोटो पत्रकारिताको आचारसंहिता पालनासहित फोटो पत्रकारिताको महत्व बारे स्पस्ट पारेका थिए ।

तालिममा सहभागीकोे तर्फबाट पत्रकारद्धय रोजी श्रेष्ठ र राजन उपाध्ययले तालिम प्रभावकारी र फलदायी भएको बताए ।

नेपाल पत्रकार महासंघ कास्कीका अध्यक्ष माधब बरालको अध्यक्षतामा सम्पन्न कार्यक्रमको सञ्चालन सह–सचिव मधु अधिकारीले गरेका थिए ।

जेठ १८, १९ र २० गते ३ दिनसम्म भएको कार्यक्रममा पोखराका ७० जना पत्रकार एवम संचारकर्मीको सहभागिता थियो ।