पोखरा । आगामी कार्तिक ९ देखि २० गते सम्म पोखरामा हुने पोखरा प्रिमियर लिग (पिपिएल) टि–२० क्रिकेट प्रतियोगिताको तयारी तीब्र रुपमा भइरहेको छ । प्रतियोगितास्थल पोखरा क्रिकेट रंगशालामा का अस्थायी प्यारापिट निर्माण कार्य भइरहेको छ ।

करिब ४ हजार ५ सय दर्शक क्षमताका लागि पोखराको एक निजी संस्थाले प्यारापिट बनाउन लागेको हो । रंगशालाको मुख्य काम मध्येको एक प्यारापिट र शौचालयको पनि राम्रो प्रबन्ध गरिएको आयोजक संस्था क्विन्स इभेन्ट मेनेजमेन्ट प्रालिका प्रबन्ध निर्देशक छुम्बी लामाले बताएका छन् । शौचालय भन्ने स्थायी प्रकारको हुनेछ ।

करीब तीन महिना अघिबाट क्रिकेट पिचको निर्माण शुरु गरेको आयोजक संस्थाले रंगशालालाई अन्तर्राष्ट्रिय मापदण्डको बनाउन प्रयास गरेको छ । ४ हजार ५ सय क्षमताको प्यारापिट सहित करिब ६ हजार दर्शकले पिपिएलको अबलोकन गर्न सक्ने प्रबन्ध निर्देशक छुम्बीले बताए ।

यस्तै, मैदानको बाहिरी भागलाई पनि सफाइ गरेर सुन्दर बनाउने प्रयास गरिएको छ ।

पोखरा स्पोर्टस् डटकमबाट, तस्विरः सुदर्शन रञ्जित