पोखरा । पूर्वराजा ज्ञानेन्द्र शाह यतिबेला पोखरामा छन् । औपचारिक कार्यक्रम तालिका सार्वजनिक नगरिकनै उनी विभिन्न कार्यक्रमहरुमा सहभागी भैरहेका छन् । शनिवार उनले विन्ध्यवासिनी मन्दिरमा पुजा गरे ।

सवा ११ बजे पुजाको कार्यक्रम भनिएपनि उनी केही ढिलो गरि मन्दिर पुगेका थिए । पूर्वराजाले शनिवार विन्ध्या\वासिनी आउजाउ गर्दा आँफैले गाडी हाँके । अघिपछि पूरै प्रहरीको स्कर्टिङ थियो । रातो ज्याकेटमा देखिएका ज्ञानेन्द्रले आफ्नो गाडी आँफै हाँकिरहेका थिए ।

मन्दिर जाँदा उनी अधिकांश आँफै गाडी चलाउने गर्छन् । ‘सरकारले कहिलेकाहीँ आफै चलाउनुहुन्छ । पोखरामा पनि दर्शन गर्न जाँदा आँफैले गाडी हाँक्नुभयो, शिवसेना नेपालका अध्यक्ष अनिल बस्नेत भन्छन्–आफ्नो ठाउँ भएर कन्फिडेण्ट लागेको होला । वहाँ खुशी हुनुहुन्छ ।’ शाह पुजा सकेर पुनः दोविल्ला फर्किएका छन् ।

उनी नयाँ बर्ष मनाएर मात्रै फर्किने बताईएको छ । निजी भ्रमणका लागि पोखरा आएका शाह दुईसाता बस्नेछन् । पूर्व राजपरिवारका थप सदस्यहरु केहीदिनपछि पोखरा आउँदैछन् । उनीहरु दोविल्ला स्थित माउण्ट ग्लोरी रिसोर्टमा बसिरहेका छन् ।

Photo: Surya Bastola

पोखरामा पूर्व राजारानी, नारा लाग्‍यो- ‘राजा आऊ, देश बचाऊ’ (तस्विरमा हेर्नुहोस्)

पोखरामा पूर्व राजारानी बस्ने होटल यस्तो छ, २ हप्ता बसेर न्यू इयर मनाएर मात्र फर्कने !