दोस्रो नेपाल आइडल रवि ओडको परिवारले खुशी समेत राम्ररी मनाउन पाएनन् । मजदुरीदेखि म्यादी प्रहरी हुँदै सबैको मायाले नेपाल आइडल बनेका रवि ओडको सानो झुपडीमा खुशीको दियो नबल्दै निभ्न पुगेको छ ।

आज रविलाई त्यति धेरै माया गर्ने आमाको करेण्ट लागेर ज्यान गएको छ । सानैमा आमा गुमाएका रविलाई आमाभन्दा कम माया गरिनन् उनकी अर्की आमा बिस्नाले । रवि अहिले नेपाल आइडलको उपाधि उचालेपछि गृहजिल्लामै खुशीयाली मनाइरहेका छन् । ठाउँठाउँमा उनको अभिनन्दन भएको छ । भारतमा मजदुर गर्ने बुबा नेपाल आउँदैछन् । यहाँ आमा, भाइ, काकीहरु सबै खुशीयाली मनाईरहँदा आमा नै गुमाउन पुगेका छन् ।

https://youtu.be/8bTmJykp4ZE

सुदुरपश्चिमकै दिनेश एफएमबाट सञ्चालित दिनेशखबर डटकमले यो खबर ब्रेक गरेपछि रविका शुभेच्छुक, समर्थक दुःख प्रकट गरिरहेका छन् । समाचार अनुसार बिहान पानी तान्ने मोटरबाट करेन्ट लागेर गम्भीर घाइते भएकी ४५ वर्षिया विस्ना ओडलाई उपचारका लागि सेती अञ्चल अस्पताल ल्याउँदै गर्दा मृत्यु भएको हो। बिहान सात बजेतिर रविका कान्छा बुबाको घरमा रहेको नल्कामा पानी लिन जाँदा चलाइएको मोटरको करेन्ट लागेको थियो । सेती अञ्चल अस्पतालको ईमरजेन्सी वार्ड इन्चार्ज कृष्ण बोहोराले करेन्ट लागेर घाइते भएकी ओडको अस्पताल पु¥याउदा मृत्यु भइसकेको पुष्टि गरेको समाचारमा जनाइएको छ ।

उनै विष्णाले रविलाई हुर्काएकी थिइन् । तर, नेपाल आइडल–२ का विजेता छोरा रविसँग त्यसको खुसी साट्न नपाउँदै विष्णाको निधन भएको छ । आमाको मृत्युको खबर पाएपछि रवि पनि सेती अञ्चल अस्पताल पुगेका छन्।

नेपाल आइडल दौरान आमासँग सम्बन्धित भिडियोहरु: