तनहुँ । आठौं राष्ट्रिय खेलकुद अन्तर्गत पोखरामा आयोजित आइटिएफ तेक्वान्दो छनौट प्रतियोगितामा तनहुँलाई दुई स्वर्ण सहित सात पदक हात परेको छ ।

८५ केजी तौल समूहमा व्यास १० का सुदिप आचार्य र ४६ ५० केजी तौल समूहमा शुक्ला गण्डकी २ नर्सरीका धनबहादुर तामानले स्वर्ण पदक जितेका हुन् । सोही खेलमा बन्दना तामान, सोमबहादुर गुरुन, उत्तम थापाले रजत पदक जितेका हुन् ।

कास्य पदक विजेतामा आशीष थापा र मालती तामाङ्ग रहेका छन् । पोखरामा भएको छनौट प्रतियोगिता क्षेत्रीय खेलकुद विकास समिति, प्रदेश खेलकुद परिषदले आयोजना गरेको हो । प्रतियोगितामा विभिन्न जिल्लाका खेलाडीहरुले सहभागिता जनाएका थिए ।

आठौँ खेलकुद हाम्रै प्रदेशमा, पसिना र पौरख आफ्नै देशमा भन्ने मूल नाराका साथ सञ्चालित सो प्रतियोगितामा विजेतालाई प्रदेश ४ का युवा तथा खेलकुद मन्त्री जगत विश्वकर्माले पुरस्कार तथा प्रमाण पत्र वितरण गरे ।

क्षेत्रीय खेलकुद विकास समिति, प्रदेश खेलकुद परिषदका अध्यक्ष सम्पन्न श्रेष्ठको अध्यक्षमा कार्यक्रम सम्पन्न भएको हो । विजेता खेलाडीहरुलाई आटीएफ तेक्वान्दो संघ तनहुँका अध्यक्ष उज्वल पौडेलले बधाई ज्ञापन गरेका थिए ।