काठमाडौँ — गोरखाका रितेश गुरुङ कार्यस्थलबाट क्याम्पभित्र छिर्दा बेडहरू ठीक ठाउँमा थिएनन् । सबैका दराज फोरिएका थिए । ‘मेरो पर्समा ३ हजार रिंगेट थियो । मोबाइल थियो,’ उनले सुनाए, ‘नेपाली १० रुपैयाँ मात्रै छाडिदिएछन् । बाँकी सबै लगेछन् ।’
गुरुङले मध्यरातमा काम गरिरहेका ठाउँमा खबर पाएका थिए, ‘प्रहरीको एक टोली क्याम्पभित्र छिरेको छ । उनीहरूबाट खोजतलास भइरहेको छ । कसैको सामान पनि बाँकी छैन । लुटेर लगे ।’ त्यतिबेला सबै कामदार ड्युटीमा थिए ।
‘बिहान ५ बजे क्याम्पमा आउँदा फुटाउन बाँकी दराज थिएन,’ उनले भने, ‘प्रहरीबाट यस्तो काम भएको देख्दा रुन मन लाग्यो ।’
एउटै कोठाभित्र झन्डै ५० जना बस्थे । सबैको अलग–अलग बेड थियो । बेडपिच्छै दराज थियो । उनीहरू मलेसियाको केलाङस्थित सेलेङगारमा बस्छन् । एमएफई आल्मुनियम फ्रेमवर्क कम्पनीमा काम गर्छन् ।
‘हाम्रो क्याम्पभित्र गैरकानुनी कामदार खोज्दै प्रहरी छिरेका हुन् । उनीहरूले राहदानी भएका कामदारलाई पिटेर घाइतेसमेत बनाए,’ अर्का पीडित रेशम चौधरीले भने, ‘गैरकानुनी कामदार नभेटेपछि हाम्रा साथीको पैसा लुटेर गए ।’
लुटपाट गर्ने प्रहरीविरुद्ध उजुरी नगरेको पीडितहरूको भनाइ छ । कम्पनीले क्षतिपूर्ति दिनुपर्ने पीडितको माग छ । क्वालालम्पुरस्थित नेपाली दूतावासले नेपाली कामदारको क्याम्प लुटिएको विषय जानकारीमा आइनसकेको जनाएको छ ।
‘यस विषयमा कुनै नेपालीले पनि लिखित उजुरी दिएको छैन,’ दूतावासका श्रम काउन्सिलर बद्री कार्कीले भने ।
सम्बन्धित खबर
अमेरिका र इजरायलले गरेको आक्रमणमा इरानका सर्वोच्च नेता खामेनेई मारिएको पुष्टि
१९ लाख नेपालीलाई उच्च सतर्कता अपनाउन अपिल
मध्यपूर्व क्षेत्रमा तनाव उत्पन्न भएपछि विश्वभर उडान प्रभावित, त्रिभुवन विमानस्थलमा यात्रुहरु अलपत्र
बंगलादेशमा तरिकको नेतृत्वमा नयाँ सरकार बन्दै, मन्त्रीका लागि कार तयार
बंगलादेशको सत्ता छाड्दा युनुसले नेपाल र सेभेन सिस्टर्सको प्रसंग उठाएपछि भारतमा तरङ्ग
बंगलादेश चुनावमा विद्यार्थी विद्रोहबाट स्थापित नयाँ दलले ६ सिट जित्दा पुरानालाई दुई तिहाई
यो पनि पढौँ
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
यूएईमा इरानको आक्रमणमा परेर एक नेपालीसहित ३ जनाको मृत्यु