श्यामशितल परियार, लमजुङ – लमजुङको राइनास नगरपालिकाले नगरका १० वटै वडाका वडाअध्यक्षलाई मोटरसाइकल प्रदान गरेको छ ।
राइनास नगरपालिकाका दैनिक प्रशासनिक र विकास निर्माणका कार्यहरुलाई सरल र सहज बनाउने उद्धेश्यका साथ सबै वडाका वडाअध्यक्षलाई मोटरसाइकल प्रदान गरिएको राइनास नगरपालिकाका प्रमुख प्रशासकीय अधिकृत रामचन्द्र अधिकारीले जानकारी दिए।
उहाँका अनुसार सबै वडाध्यक्षलाई १ सय ५० सीसीको ‘यामाहा’मोटरसाइकल प्रदान गरिएको हो । प्रति मोटरसाइकल १ लाख ८० हजारमा खरिद गरी वडाध्यक्षलाई प्रदान गरिएको हो ।
श्रोत साधनको अभावमा सेवा प्रवाहमा कठिनाइ हुनुका साथै समयमै कार्य सम्पन्न हुन नसकेको जनगुनासो आएसँगै वडाध्यक्षहरुलाई मोटरसाइकल वितरण गरिएको हो ।‘स्थानीय तहबाटै बजेट व्यवस्थापन गरी खरिद बिक्री प्रक्रिया सम्पन्न गरी उहाँहरुलाई बाइक वितरण गरिएको हो’, अधिकारीले भने ।
मोटरसाइकल वितरण गरिएसँगै वडा कार्यालय तथा वडाध्यक्षबाट प्रदान गरिने कामकारबाही चुस्त–दुरुस्त हुने विश्वास लिइएको राइनास नगरपालिकाका मेयर सिंहबहादुर थापाले बताए । राज्यको श्रोत साधनको सही सदुपयोग हुनुपर्नेमा स्थानीय नागरिकले जोड दिएका छन् ।
सम्बन्धित खबर
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
सुरक्षा पालुवाको १८ औं स्थापना दिवसमा भवन उद्घाटन एवम् रक्तदान
मुख्यमन्त्री अधिकारीले विश्वासको मत लिँदै, ३ बजेपछि प्रदेश सभा बैठक
स्याङ्जामा गस्ती गएका प्रहरीमाथी कुटपिट, चौकी इन्चार्जलाई कुट्ने दुई युवा पक्राउ
द्वितीय युद्धकालीन उपन्यास ‘खोजीमा’ पोखरा आइपुग्यो
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग