किरण श्रेष्ठ, तनहुँ । तनहुँको व्यास नगरपालिकाको वडा नम्बर १ को तालघरे र वडा नम्बर १० जोड्ने बुल्दि खोला माथि निर्मित पुलको उद्घाटनको विषयलाई लिएर विरोध भएको छ । नेपाली काँग्रेसका वरिष्ठ नेता रामचन्द्र पौडेलले बुधबार दिउँसो १ बजे उद्घाटन गर्ने भनिएको उक्त पुलको नेपाल कम्युनिष्ट पार्टी नेकपाको राष्ट्रिय युवा संघ नेपाल, तनहुँले विरोध गरेको छ ।
युवा संघले नाराबाजीसंगै र दमौलीदेखि बुल्दी पुल र पुलदेखि जिल्ला प्रशासन कार्यालय, तनहुँसम्म मोटरसाईकल र्याली गरेको थियो ।
त्यस्तै, नेपाली काँग्रेस निकट नेपाल तरुण दलले पनि ठुलो सङ्ख्यामा युवा परिचालन गर्न लागेपछि दमौलीमा तनावको स्थिति सिर्जना भएको छ । अवस्था सामान्य बनाउन जिल्ला प्रशासन कार्यालय तनहुँले बुधबार दिउँसो निषेधाज्ञा जारी गरेको छ ।
साँझ ६ बजेसम्म निषेधाज्ञा जारी
दुबै समूहबीच झडप हुने सम्भावना देखिएकाले निषेधाज्ञा जारी गरिएको प्रमुख जिल्ला अधिकारी सागर आचार्यले बताए ।
बुधबार मध्याह्न १२ बजेबाट लागू हुने गरी साँझ ६ बजेसम्म पुल र आसपासका क्षेत्रमा निषेधाज्ञा जारी गरिएको प्रजिअ आचार्यले बताए । ‘एउटा समूहले जसरी पनि पुल उद्घाटन गर्ने भन्ने, अर्को समूह जसरी पनि रोक्ने भन्छ ।’ प्रजिअ आचार्यले भने – ‘त्यसैले निषेधाज्ञा गर्ने निर्णय गरिएको हो ।’
झडप र तनाव हुन नदिन निषेधाज्ञा जारी गरेपनि पृथ्वी राजमार्गको यातायात आवागमनमा समस्या नहुने प्रजिअ आचार्यले बताए । त्यसक्षेत्रमा सशस्त्र र जनपथ प्रहरी परिचालन गरिएको छ ।
तत्कालीन जिविसको एसएनआरटिपी परियोजनाअन्र्तगत निर्मित पुल २०७३ वैशाखबाट निर्माण सुरु भएर २०७५ कार्तिकमा सकिएको थियो । दुई करोड ५४ लाख रुपैयाँमा निर्मित पुलको निर्माण सकिए तापनि वारीपारीको सडक कालोपत्रे र अन्य संरचना बनौन बाँकी रहदा पुल उद्घाटन भएको थिएन ।
संयोजकसहित ६ जना नियन्त्रणमा
प्रहरीले राष्ट्रिय युवा संघ तनहुँका संयोजक ईश्वर बस्यालसहित ६ जनालाई नियन्त्रणमा लिएको छ । पक्राउ पर्नेहरुमा सहसंयोजक भगवान श्रेष्ठ, ज्ञानेन्द्र बसौला, बादल आले, राजु पोख्रेल, सुर्य बहादुर केसी रहेका छन् ।
विरोधको नारा लगाउँदै जिल्ला प्रशासन कार्यालय तनहुँ पुगेका टोलीमध्ये ६ जनालाई प्रहरीले नियन्त्रणमा लिएको हो ।
सम्बन्धित खबर
पोखरा १२ का सामुदायिक विद्यालयहरुमा संस्कार शिक्षा पाठ्यक्रम लागू
बुद्ध जयन्तीको अवसरमा धार्मिक प्रवचन हुने
पोखरा ७ पूर्णखोप सुनिश्चित घोषणा
एमालेलाई एकल बहुमत सहितको राष्ट्रिय पार्टी बन्न कसैले रोक्न सक्दैन : अधिकारी
बागलुङको अमलाचौर र नारायणस्थानका विद्यालयमा शैक्षिक सामाग्री वितरण
प्रतिभामा लोकतान्त्रिक निर्वाचन प्रक्रियाको अभ्यासः सदनको कप्तान, उपकप्तान चुनावबाटै चयन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग