पोखरा – सोमबार कास्कीका ५३ सहित गण्डकीमा थप ८८ जनामा कोरोना पुष्टि भएको छ ।

स्वास्थ्य निर्देशानालयद्वारा आज जारी विज्ञप्ति अनुसार गण्डकीका ५२१ जनामा गरिएको परीक्षण मध्ये थप  ८८ जनाको रिपोर्ट कोरोना पोजेटिभ आएको हो ।

आज थपिएका संक्रमित प्रदेशका ७ जिल्लाका छन् । जसअन्तर्गत कास्कीका ५३, तनहुँका ७, गोरखाका २, लमजुङका ७, नवलपुरका १५, स्याङ्गजाका ३ र पर्वत जिल्लाका १ जनाको परीक्षण रिपोर्ट पोजेटिभ आएको जारी विज्ञप्तिमा जनाइएको छ ।

आज थपिएका संक्रमित संगै गण्डकीमा कोरोना संक्रमितको कूल संख्या १२ हजार ७ सय ७४ पुगेको छ । जसमा सक्रिय संक्रमित ५ हजार १ सय २५ छन् । भने,  होम आइसोलेसनमा बस्नेको संख्या ४ हजार ४२ पुगेको छ ।

यस्तै पछिल्लो २४ घन्टामा गण्डकीबाट ८१ जना कोरोनामुक्त भएका छन् । यो संगै, कोरोना संक्रमणबाट मुक्त हुनेको संख्या ७ हजार ४ सय ७८ पुगेको छ ।

सोमबार पनि कोरोना संक्रमणका कारण गण्डकीमा थप एक जनाको मृत्यु पुष्टि भएको छ । मृतक पर्वत जिल्ला फलेवास नगरपालिकाका ३८ वर्षीय पुरुष रहेका छन् ।

यो संगै, गण्डकीमा कोरोना संक्रमणका कारण ज्यान गुमाउनेको संख्या १७१ पुगेको निर्देशनालयले जनाएको छ।

गण्डकीमा आइसीयु शैया र भेन्टिलेटरको अवस्था कस्तो छ ?

विस्तृतमा हेर्नुहोस् !