हामी गर्न सक्छौँ सहयोगी हातहरु (वी क्यान डु हेल्पिङ ह्याण्डस् ) संस्थाले चौथो वार्षिकोत्सव सम्पन्न गरेको छ । संस्थाको वार्षिकोत्सवको अवसरमा एक कार्यक्रम गर्दै पोखरा १९ लामाचौरमा रहेको कल्याणी बाल गृहमा भोजन , स्टेसनरी सामाग्री, स्कुल ड्रेस लगाएतका सामाग्री वितरण गरेको छ ।

वि.स. २०७४ सालमा स्थापना भएको उक्त संस्थाले स्थापनाकाल देखि नै सामाजिक क्षेत्रमा काम गर्दैैै आईरहेको छ । कहरले हैन रहरले सहयोग गरौँ मुख्य भावका साथ स्थापना भएको उक्त संस्थाले विगत ४ वर्षदेखि सामाजिक क्षेत्रमा काम गरेको संस्थाका अध्यक्ष सुबास पौडेले बताए ।

निवर्तमान अध्यक्ष सोमनाथ अधिकारी संस्थापक इन्दु शर्माको उपस्थीतीमा  सम्पन्न उक्त कार्यक्रममा सामाजिक अभियान्ता लक्ष्मी पाण्डेको आतिथ्यता रहेको थियो भने अतिथि बाल अाश्रमका बालबालिकाहरू , ईन्दराज्य लक्ष्मि मा.विका प्राचार्य केशव प्रसाद अम्गांई  र कल्याणि बाल अाश्रमकाे संयाेजक कुमारी भवानिको उपस्थिती रहेको थियो। कार्यक्रममा बोल्दै प्रमुख अतिथि पाण्डेले वर्तमान अवस्थामा युवाहरुले गरेको काम निकै प्रशंसा भएको बताइन् ।

अध्यक्ष पौडेलले आगामी दिनमा संस्थालाई व्यवस्थित गरि संस्थामा भावी योजना बनाइ थप सामाजिक कार्यमा हातेमालो गर्दै अगाडी बढ्ने बताए ।एलिशा आर्चाय र गोविन्द परियारको संयोजकत्वमा भएको कार्यक्रम संस्थाका उपाध्यक्ष सुजन बास्ताकोटीले सञ्चालन गरेका थिए ।