काठमाडौँ । भाडा समायोजन र कोरोनाविरुद्धको खोप माग गर्दै यातायात व्यवसायीले काठमाडौँमा र्‍याली निकालेका छन् ।

व्यवसायीहरुले बिहीबार बिहान आ–आफ्नो सार्वजनिक यातायातका साधनसहित र्‍याली निकालेका हुन् ।

बालाजु, जोरपाटी लगायतका स्थानबाट निकालिएको सो र्‍यालीले रिङरोड परिक्रमा गरी एकान्तकुनामा रहेको यातायात कार्यालय घेराउ गर्ने बताएका छन् ।

र्‍यालीले ट्राफिक व्यवस्थापन अस्तव्यस्त भएको छ ।

इन्धनको भाउ बढे पनि गाडी भाडा समायोजन नगरेको उनीहरुको गुनासो छ ।

यस्तै, कोरोनाको जोखिमका कारण भएको निषेधाज्ञाले समस्यामा परेका व्यवसायीलाई सरकारले राहतको व्यवस्था नगरेको उनीहरुले बताएका छन् ।

उनीहरुले यातायातको भाडा एवम् ट्याक्सीको सुरुवाती कल समायोजन गर्न, २० वर्ष अवधि पुगेका सवारी साधनको अवधि थप गर्न, नवीकरण, जरिवाना छुट गर्न र कोभिड विरुद्धको खोप दिनु पर्ने लगायतका माग राखेका छन् ।