तनहुँको रकगार्डेन स्थित सेती खोँचबाट वेपत्ता नवविवाहिता युवतीको शव ठ्याक्कै एक हप्तापछि आज फेला परेको छ ।
गत भदौ २९ गते मंगलबार दिउँसो टिकटक बनाउने भन्दै साथीहरुलाई मोबाइलमा भिडियो खिच्न लगाएर १९ वर्षीया युवती पवित्रा लम्साल सेती खोँचमा पसेकी थिइन् । त्यसपछि नदिमा हेलिएकी युवतीको शव आज मंगलबार भिमाद ७ स्थित नदी किनारमा फेला परेको छ ।
तनहुँको शुक्लागण्डकी नगरपालिका ८ लालिममा अंकल अण्टीसँग बस्दै आएकी उनको त्यसको ५ दिन अघि मात्र बिहे भएको थियो । दुल्हन फर्कन आएकी उनी बहिनी, साथीहरुसँग रकगार्डेन पुगेकी थिइन् ।
घटनाको बेला त्यहाँ दुई जना साथीहरु पनि थिए । उनी नदीमा खसेपछि प्रहरीलाई खबर गरिएको थियो । नदीतर्फ जादै गर्दा लम्साललाई साथीले चिच्याउँदै ‘नजा भनेको के’ भनेको सार्वजनिक भिडियोमा सुनिन्छ । टिकटकमै उनको ती भिडियोहरु भाइरल भएका छन् । उनी जानाजान सेती खोँचमा पसेको देखिन्छ ।
नदीमा खसेर बेपत्ता लम्सालको प्रहरीले खोजी गरेको थियो । उनको शव आज बिहान अन्दाजी ९ बजे भिमाद नगरपालिका ७ सेती नदीको किनार सिस्नेरी घाटमा फेला परेको प्रहरीले जनाएको छ । घटनाको विषयमा थप अनुसन्धान गरिरहेको जनाइएको छ ।
टिकटक बनाउन रकगार्डेनको सेती खोँचमा यसरी पसिन् युवती, भिडियो सार्वजनिक
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
कोरोला नाकामा पहिलो पटक बत्ती बल्यो
गण्डकी मुख्यमन्त्री अधिकारीले २३ गते ३ बजे विश्वासको मत लिँदै
पोखरामा धुवाँको कालो मुस्लो फ्याँक्ने ११ गाडी नियन्त्रण
कुश्मा वडा नं. २ मा ‘ज्येष्ठ नागरिकसँग वडाध्यक्ष’ कार्यक्रम प्रभावकारी
स्याङ्जामा आगलागीका घटना दिनहुँ बढ्दै, लाखौंको क्षति
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग