पोखरा । नेपाली कांग्रेस कास्कीको माछापुच्छ्रे गाउँपालिका सभापतिमा वीरेन्द्र गुरुङ निर्वाचित भएका छन् । नेपाली काँग्रेसको १४ औँ महाधिवेशन अन्तर्गत गाउँपालिकाको आज सम्पन्न अधिवेशनमा मधुसुदन अधिकारीलाई पराजित गर्दै गुरुङ सभापतिमा निर्वाचित भएका हुन् ।

गुरुङ ९१ मत ल्याएर सभापति निर्वाचित भएका हुन् । उनका प्रतिस्पर्धी मधुसूदन अधिकारीले वीरेन्द्रकोभन्दा १५ मत कम ल्याएका थिए ।
सभापतिमा निर्वाचित गुरुङ गाउँपालिकाको वडा नं १ को वडाध्यक्ष समेत हुन् ।

उपसभापतिमा रामबहादुर गुरुङ र मीनबहादुर गुरुङ निर्वाचित भएका छन् । उनीहरुले क्रशमः ८७ र ८८ मत ल्याए ।

यस्तै, सचिवमा केशवराज अधिकारी ९३, सञ्जय लम्साल ७५ मत का साथ विजयी बने भने सहसचिवमा महादेव गुरुङ ८८ र बालकृष्ण गौतम ८३ मतका साथ विजयी भएको बताइएको छ ।

सदस्यमा महिलातर्फ वडा नं १ बाट जमुना पुन, वडा नं २ बाट जमुना गुरुङ, वडा नं ३ बाट सीता भुजेल, ४ बाट पुमाकुमारी शर्मा, ५ बाट ईन्द्रकुमारी गुरुङ, ६ बाट सावित्री गौतम, ७ बाट किरण उचाई क्षेत्री, ८ बाट तारा गौतम र ९ बाट अजिता तामाङ चयन भए ।

त्यसैगरी १८ पदका लागि पुरुषतर्फ वडा नं १ (क) बाट ईन्द्रबहादुर गुरुङ र (ख) हुमबहादुर गुरुङ , वडा नं २ (क) बाट भिमबहादुर गुरुङ र (ख) तिलकुमारी तामाङ, वडा नं ३ (क) बाट नवीनकुमार श्रेष्ठ र (ख) भीममाया श्रेष्ठ, वडा नं ४ (क) बाट लिलाधर ढकाल र (ख) बलराम अधिकारी, वडा नं ५ (क) बाट राजुप्रसाद ढुंगाना र (ख) श्यामबहादुर गुरुङ निर्वाचित भए ।

यसैगरी वडा नं ६ (क) बाट दिनानाथ दवाडी र (ख) नन्दलाल ढुंगाना, वडा नं ७ (क) बाट लेखा गुरुङ र (ख) विनय गुरुङ, वडा नं ८ (क) बाट अर्जुन दमाई र (ख) नारायण अधिकारी र वडा नं ९ (क) बाट खुसीमान गुरुङ र (ख) चन्द्रबहादुर पौडेल क्षेत्री निर्वाचित भए । गाउँपालिकामा क्षेत्रीय प्रतिनिधि र वडा ईकाई सभापति गरी १७१ मध्ये १६९ मत खसेको थियो ।