पाेखरा । बाल यौन दुराचारको आरोपमा पोखरामा एक क्यानडेली नागरिक पक्राउ परेका छन् । अन्दाजी ५० वर्षीय रोबर्ट किंक्ले पोखरा लेकसाइडको एक घरबाट आपत्तिजनक अवस्थामा पक्राउ परेका हुन् ।

विगत डेढ वर्षदेखि पाेखरामा बस्दै आएका राेबर्टलाई लेकसाईडस्थित उनकै काेठामा ३ बालकसँग नग्न अवस्थामा रहेका बेला पक्राउ गरिएकाे कास्की प्रहरीले जानकारी दिएकाे छ ।

शनिबार दिउँसो साढे १ बजे स्थानिय १३-१४ वर्षका तीन जना बालकलाई काेठामा बाेलाएर अप्राकृतिक याैन हर्कत गरिरहेका बेला राेबर्ट काेठामा भेटिएका थिए । कास्की प्रहरी प्रमुख एसपी रमेश थापाले राेबर्टमाथि कानुनी कारबाही प्रकृया अघि बढाइएकाे गण्डकन्यूजलाई जानकारी दिए ।

कास्की प्रहरीले रोबर्टमाथि बाल याैन दुराचार, अप्राकृतिक मैथुन र बालबालिका ऐन अन्तरगत मुद्दा चलाएको छ ।

राेबर्टकाे विगतकाे व्यवहार, पाेखरामा डेढ बर्ष बस्दाकाे गतिविधि सम्बन्धमा अनुसन्धान भइरहेकाे एसपी थापाले बताए । तीन जना बालकहरूकाे स्वास्थ्य परीक्षण गरिएकाे छ ।

प्याराग्लाइडिङ उडाउँदै आएकाे प्रारम्भिक जानकारी पाएकाे र यसबारे थप अनुसन्धान भइरहेकाे एसपी थापाले बताए ।