पोखरा। पोखरामा बालबालिकाको कानमा लगाएको सुनको मुन्द्रा चोरी गर्दै हिँड्ने एक युवतीलाई कास्की प्रहरीले पक्राउ गरेको छ।
पोखरा महानगरको विभिन्न स्थानहरुमा अन्दाजी ५ वर्ष देखि ९ वर्षसम्मका बालबालिकालाई ललाई फकाई तथा विभिन्न डर त्रास र धम्की दिएर कानमा लगाएको सुनको मुन्द्रा चोरी गर्दै हिँड्ने एक युवतीलाई पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुन्दर तिवारीले जानकारी दिए।
तिवारीका अनुसार विशेष सूचनाका आधारमा वडा प्रहरी कार्यालय रामबजारबाट खटिएको प्रहरीको टोलीले पीडितहरुले दिएको हुलियाका आधारमा खोजी तथा अनुसन्धान गर्दै जाँदा स्याङ्गजा जिल्ला चापाकोट नगरपालिका वडा नं -४ स्थायी घर भै हाल पोखरा -१४ चाउथे बस्दै आएकी २४ वर्षीया अम्बिका पुलामी मगरलाई प्रहरीले पक्राउ गरेको हो।
प्रहरीले उनको साथबाट सुनको मुन्द्रा १३ थान (४८ लाल ) र सुनको ६ थान मुन्द्रा (४५ लाल) वरामद गरेको छ।
पक्राउ परेकी पुलामीलाई जिल्ला अदालत कास्कीबाट चोरी तथा डाँका सम्बन्धी कसुरमा पाँच दिनको म्याद थपको अनुमति लिएर आवश्यक अनुसन्धान प्रक्रिया अगाडि बढाइएको प्रवक्ता तिवारीले जानकारी दिए।
सम्बन्धित खबर
११ वर्षीया बालिकामाथि यौन दुर्व्यवहार आरोपमा स्याङ्जाका एक पुरुष पक्राउ
चामलमै ११ थरी विषादी, लामो समय जोगाउन विषादीको अत्याधिक प्रयोग
२९ वर्ष पुरानो हत्या प्रकरणका फरार दोषी पक्राउ
परिचय खोल्दै बलेविरूद्ध संगम बिष्टको आक्रामक स्टाटसः ‘कत्थक नाच्थेँ, अब ताण्डव गर्छु’
कलाकार सागर लम्साल ‘बले’माथि बलात्कार आरोप
डिजिटल हिंसामा परेपछि अमिशा पुगिन् साइबर ब्युरो
यो पनि पढौँ
सुदनले साधारण सदस्य समेत नरहने गरी पार्टी छाडे
शेखरले गगनलाई स्वीकार्दै , शशांक र धनराजसहितले छोडे देउवा समूह
यी सहकारीमा ऋण तिर्नुछ ? १५ दिनभित्र नतिरे सम्पत्ति लिलाम हुने (सहकारीको सूचीसहित)
भारत नरकको ढोका हो: अमेरिकी राष्ट्रपति ट्रम्प