नवलपुर। सुनको सिक्री लुटेर भाग्दै गरेका तीन जनालाई प्रहरीले पक्राउ गरेको छ।
गैंडाकोट नगरपालिका वडा नं -१६ अमरापुरीस्थित पसलमा बसिरहेकी ४७ वर्षीया महिलाको सुनको सिक्री लुटेर भाग्दै गरेका तीन जनालाई प्रहरीले पेस्तोल र ४ राउण्ड गोली सहित सोमबार साँझ पक्राउ गरेको छ ।
प्रहरीका अनुसार साँझको समय पसलमा बसिरहेको अवस्थामा लु ४० प ८४३६ नम्बरको मोटरसाइकलमा आएका लुटेराले हतियार देखाई महिलाको सुनको सिक्री लुटेर भागेका थिए। उनीहरु भागे लगत्तै महिलाले गुहार मागेपछि स्थानीयले लुटेरा मध्येका राम बहादुरलाई समात्न सफल भइ प्रहरीलाई खबर गरेका थिए।
घटनाको जानकारी लगत्तै पुगेको प्रहरीको टोलीले रामबहादुर क्षेत्रीलाई नियन्त्रणमा लिई अनुसन्धान गर्ने क्रममा गैंडाकोट नगरपालिका-१४ स्थित भाग्दै गरेको अवस्थामा दुई जनालाई पेस्तोल र ४ राउण्ड गोलीसहित पक्राउ गरेको हो ।
पक्राउ पर्नेहरुमा नवलपुर रुपौलिया गाउँपालिका-१ बस्ने २२ वर्षीय राम बहादुर क्षेत्री, गैँडाकोट नगरपालिका -१४ बस्ने ३४ वर्षीय आशिष सुनार र नवलपुर सुस्ता गाउँपालिका -९ बस्ने २० वर्षीय संजय गुरुङ रहेका छन् ।
उनीहरुमाथि आवश्यक अनुसन्धान तथा कारवाही प्रक्रिया अगाडि बढाइएको प्रहरीले जनाएको छ।
सम्बन्धित खबर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
मनाङमा लुलुगाई मारेको आरोपमा ३ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग