पोखरा। बालकलाई यातना दिएको आरोपमा प्रहरीले एक महिलालाई पक्राउ गरेको छ।
पोखरा महानगरपालिका वडा नं -१५ गलेश्वरचोकस्थित न्यु लाइफ होस्टलमा बालकले राति ओछ्यानमा पिसाब गरेको भन्दै बालकको लिङ्गमा रबरले बाँधेर यातना दिएको आरोपमा प्रहरीले एक महिलालाई पक्राउ गरेको हो। पक्राउ पर्नेमा नुवाकोट जिल्ला पञ्चकन्या गाउँपालिका वडा नं -२ स्थायी घर भइ हाल पोखरा -१४ बस्दै आएकी २७ वर्षीया जानुका नेपाली रहेकी छिन्।
कास्कीका निमित्त प्रहरी निरीक्षक तथा प्रहरी प्रवक्ता दिपक केसीका अनुसार उक्त होष्टलको वार्डेनसमेत रहेकी नेपालीले राति सुत्दा ओछ्यानमा पिसाब गर्छ भन्दै ६ वर्षीय बालकको लिङ्गमा रबरले बाँध्नेर यातना दिने गरेको भन्ने जाहेरी पश्चात उनलाई पक्राउ गरिएको हो ।
उनीविरुद्ध बालबालिका सम्बन्धी ऐन, २०७५ अन्तर्गत बालबालिका विरुद्धको कसूरमा जिल्ला अदालत कास्कीबाट ५ दिन म्याद थपको अनुमति लिएर घटनाका सम्बन्धमा आवश्यक अनुसन्धान शुरु गरिएको केसीले बताए।
उक्त होस्टलमा अभिभावक नभएका ९ जना विद्यार्थीले आश्रय लिंदै आइरहेका छन्। डोल्पाबाट पोखरा पढ्न राखिएका ती बालकको बुवा बितिसकेको र आमा गाउँमै रहेको बुझिएको छ। लिङ्गमा रबर बाँधिएका कारण पिसाब गर्न नमिल्दा बालकको पेट फुलेको प्रहरीले जनाएको छ। यद्यपी हाल स्वास्थ्य जाँचका लागि अस्पतालमा रहेका उनको रिपोर्ट भने यो समाचार तयार पार्दासम्म आइसकेको छैन।
सम्बन्धित खबर
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
मनाङमा लुलुगाई मारेको आरोपमा ३ जना पक्राउ
पोखरामा कक्षा १२ को परिक्षाको प्रश्नपत्र आउट गर्ने कार्यमा संलग्न रहेको आरोपमा २ जना पक्राउ
वालिङमा चक्कु प्रहारबाट २० वर्षीय युवकको मृत्यु
कुटपिट गरी हत्या गरेको १७ वर्षपछि एकै गाउँका ५ महिला पक्राउ
सिरहामा ५ वर्षीय छोराको हत्या गर्ने आमा पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग