पोखराको चिप्लेढुंगा स्थित शैक्षिक परामर्शदातृ संस्था थर्ड आई एजुकेशनले आयोजना गरेको एक दिने एजुकेसन स्टडी अब्रोड फेयरबाट दर्जनौं विद्यार्थी लाभान्वित भएका छन् ।

उच्च शिक्षा अध्ययनका लागि विदेश जान चाहने विद्यार्थीलाई लक्षित गरी आफ्नै भवनमा आयोजना गरेको फेयरबाट विद्यार्थीले एकै ठाउँबाट चार देशका युनिभर्सिटिबारे बुझ्ने मौका पाए । निःशुल्क प्रवेशको बन्दोबस्त मिलाइएको उक्त फेयरमा फेयरमा विशेष गरी अष्ट्रेलिया, यूएसए, यूके र क्यानडा पढ्न जान चाहने विद्यार्थीलाई काउन्सिलिङ गरिएको थियो ।

संस्थाका प्रबन्ध निर्देशक प्रकाश गैह्रेका अनुसार फेयरमा सम्बन्धित देशका युनिभर्सिटीका प्रतिनिधिले आफ्ना युनिभर्सिटीका विशेषतासँगै त्यस देशको शिक्षा प्रणाली, परिवर्तिन नीति, कलेज तथा युनिभर्सिटीका कोर्षहरुबारे परामर्श दिएका थिए ।

हामीले सोचेजस्तै फेयर भव्य ढंगले सम्पन्न भयो । लामो समय ग्याप भएका कारण पनि हुनसक्छ । दर्जनौं विद्यार्थीहरुको सहभागिता रह्यो । उहाँहरुले निकै चाख मानेर युनिभर्सिटीहरुबारे बुझ्नुभयो । गैह्रेले भने ।

पछिल्लो समयमा उच्च शिक्षा अध्ययनका लागि विदेशी युनिभर्सिटीतर्फ आकर्षण र चासो बढिरहेको सन्दर्भमा यस फेयरमा यी चार देशका युनिभर्सिटीकै प्रतिनिधि आएर विद्यार्थी र उनीहरुका अभिभावकसँग प्रत्यक्ष परामर्श दिएका थिए । फेयरले विदेशमा अध्ययन गर्नका लागि विद्यार्थीले सही सूचना र जानकारी प्राप्त गरेको थर्ड आईले विश्वास लिएको छ ।

चिप्लेढुंगामा रहेर दशकबढी समयदेखि शैक्षिक परामर्श र विद्यार्थीलाई अध्ययनका लागि विदेश पठाउन सहयोग गर्दै आएको थर्ड आई एजुकेशनको वीरेन्द्रनगर (सुर्खेत), काठमाण्डौ र नयाँ दिल्ली (भारत) मा पनि शाखा छ ।

थर्ड आईले विशेषतः आईएलटिएस, टोफल, जिआरई, जिम्याटका कोर्सहरु पनि सञ्चालन गर्दै आएका छ । फ्रि एजुकेशनका बारेमा परामर्श दिने मूख्य संस्था पनि हो ।

सम्बन्धित समाचारः

‘थर्ड आई एजुकेसन फेयरमा ४ देशका यूनिभर्सिटीबारे बुझ्न सकिनेछ’

पोखरामा शुक्रबार ‘थर्ड आई एजुकेसन स्टडी अब्रोड फेयर’