सुन्दर कुमार थकाली, मुस्ताङ । भारतीय प्रधानमन्त्री नरेन्द्र मोदीको आसन्न मुक्तिनाथ भ्रमणको सुरक्षा प्रवन्ध तथा कार्ययोजना तयार गर्न भारतीय एआजी सहित करिव १५ जना टोली रहेको स्पेशल सुरक्षा फोर्स हिमालपारी मुक्तिनाथतर्फ आउँदै गरेको जनाईएको छ ।

टोली फोर्समा भारतीय ४ जना एआईजी सामेल छन् ।पोखराबाट बिहान करिव ९ बजे मुक्तिनाथतर्फ प्रस्थान गरेका उनीहरु बुधवार साँझ जोमसोम आईपुग्ने जनाईएको छ । बिशेष पुर्व तयारीका लागि मुक्तिनाथ आएका भारतीय स्पेशल फोर्सले मोदी भ्रमणलाई व्यवस्थित गर्न बिहिवार जिल्लाका सरोकारवाला निकाय संग उच्चस्तरिय छलफल गर्ने कार्यक्रम रहेको छ ।

फोर्स सम्मिलित छलफलले मोदी सरकारलाई कुन–कुन तहका व्यक्तिले नागरिक अभिनन्दन गर्ने भन्ने बारेमा टुङ्गो लगाउने श्रोतले जनाएको छ ।

यस्तै उक्त टोली फोर्स मोदीको भ्रमण अविधिभर मुक्तिनाथ परिशसरमै रहेर सुरक्षा प्रदान गर्ने जनाईएको छ ।यसका साथै नेपाल सेना,शसस्त्र प्रहरी र नेपाल प्रहरीले सुरक्षा प्रदान गर्ने भएका छन् ।

यसका साथसाथै मुक्तिनाथको स्तरोन्नती तथा मर्मत सुधारकार्य तिब्र रुपमा अघि बढेको छ भने मोदीको स्वागतका लागि गेटहरु बनाउने काम भैईरहेको वारागुङ मुक्तिक्षेत्र गाउँपालिका अध्यक्ष फेन्चोक छेप्तेन गुरुङ धाराले जानकारी दिए । यस्तै, मोदी भ्रमण टोलीको स्वास्थ अवस्थालाई ध्यानमा राख्दै जिल्ला स्वास्थ्य कार्यालयले आईसियु क्याम्प सहित शिविर संञ्चालन गर्ने जनाएको छ ।