बागलुङ । जिल्ला प्रहरी कार्यालय बागलुङले ठूलो परिमाणमा अवैध लागु औषधसहित चार जनालाई पक्राउ गरेको छ।
सोमबार दिउँसो अन्दाजी १ बजेको समयमा बुटबलबाट बागलुङका लागि छुटेको लु २ ख ५३१६ नंवरको बसबाट प्रहरीले ठूलो परिमाणमा लागु औषधसहित चार जनालाई पक्राउ गरेको हो। पक्राउ पर्नेमा पाल्पा जिल्ला साविक मदनपोखरा गा.वि.स – ७ स्थायी घर भएका ४५ वर्षीय कृष्ण प्रसाद पुरी, गुल्मी जिल्ला मुसिकोट नगरपालिका- ५ निवासी ३८ वर्षीय सुरथ बहादुर घिमिरे, रुपन्देहि जिल्ला देवदह नगरपालिका – ६ निवासी ३३ वर्षीय लोक बहादुर थापा र दाङ जिल्ला लमहि नगरपालिका ७ निवासी २५ वर्षीय को शोसण चौधरी रहेका छन्।
प्रहरीका अनुसार उक्त बसमा लागु औषधको ओसारपसार भइरहेको भन्ने विशेष सुराकीको आधारमा जिल्ला प्रहरी कार्यालय बागलुङबाट खटिएको प्रहरीको टोलीले बागलुङ नगरपालिका -४ चिप्लेटी बसपार्कमा पुगेर बसलाई चेकजाँच गर्दा यात्रु आवतजावत गर्ने गल्लीमा रहेको कम्ब्याट रङको पछाडि भिर्ने झोलामा लुकाई राखेको काजग र खैरो रङको प्लाष्टिकको टेपले बेरेको अवस्थामा लागु औषध बरामद गरेको हो।
बरामद भएको लागु औषधमा फेनेरागन ९०५ एम्पुल, डाइजेपाम ९२४ एम्पुल, र नुर्फिन ९२७ एम्पुल गरी कूल २ हजार ७ सय ४६ एम्पुल लागु औषध रहेको छ।
पक्राउ परेका चारै जनामाथि जिल्ला अदालत बागलुङबाट २० दिनको म्याद थपको अनुमति लिएर आवश्यक अनुसन्धान शुरु गरिएको जिल्ला प्रहरी कार्यालय बागलुङले जनाएको छ।
सम्बन्धित खबर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
मनाङमा लुलुगाई मारेको आरोपमा ३ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग