कास्कीको क्षेत्र नंं २ बाट प्रतिनिधि सभामा बाम गठबन्धनका तर्फबाट साझा उम्मेदवार रविन्द्र अधिकारी अहिले चुनावी अभियानमा व्यस्त छन् ।

नेकपा एमालेका केन्द्रिय सदस्य समेत रहेका अधिकारी चुनावी सभामा मुलुक समृद्ध बनाउने आफ्नो भिजन जनतासँग बाँड्न चाहन्छन् तर विपक्षीले लगाएको आरोपको प्रष्टीकरण दिँदैमा ठीक्क छ । यसलाई उनी लोकतन्त्रवादी भन्ठान्नेहरुले निर्वाचनलाई नै फोहोरी बनाउन लागेको टिप्पणी गर्छन् । समृद्ध नेपाल पुस्तकमार्फत आफ्नो मुलुक विकासको भिजन समेत बाहिर ल्याईसकेका अधिकारी जनतामाझ विकासकै नारा लिएर अघि बढेका छन् ।

चुनावमा त आफूले जिते यसो गर्छु, मेरो स्पष्ट विचार यो छ भन्नुपर्ने बेला हो । तर व्यक्तिगत नानाथरी आक्षेप र गालीगलौजको बारेमा प्रष्ट पार्नुपर्ने अवस्थामा अधिकारी पुगेका छन् । दिनहुँ धेरै ठाउँमा चुनावी अभियान र सभा हुने जहाँतहिँ यति कुरो भन्दैमा उनको समय गएको छ । झुटलाई पनि १०० चोटी भने सही भन्ठान्ने मानसिकताबाट गोयवल्स शैलीमा काँग्रेस उत्रेपछि मतदातालाई आफू को हो थाहा भएपनि बाध्य भएर उनी यसरी भाषणहरुमा यसरी प्रष्ट पार्नै ठीक छन् ।

रविन्द्र भन्छन्ः व्यक्तिगत आक्षेप र टिप्पणीमा उत्रेर राजनीतिलाई फोहोर हामी बनाउँदैनौं । फोहोर र कसिंगरलाई हटाउन स्वच्छ चुनावी अभियानमा होमिएका छौं । लोकतन्त्रमा प्रतिष्पर्धा हुन्छ । दुश्मनी हुँदैन । प्रतिष्पर्धाको हिसाबबाट आउनुहोस् । विचारको स्वस्थ प्रतिष्पर्धा गरौं, जनताको मन जितेर अघि बढौं ।