गण्डक न्युज पोखरा, ३० कात्तिक । नेपाली काँग्रेसका वरिष्ठ नेता रामचन्द्र पौडेलको चुनावी सभा विहीबार तनहुँ भानु नगरपालिका वडा नम्बर १२ कवाचितमा थियो । पौडेलले आफ्नो मन्तव्य व्यक्त गरिसकेका थिए । उनी खाना खानलाई मञ्च छाडेर गएपछि स्थानीय ५८ वर्षीय श्रीभद्र पण्डित मञ्चमा उक्लिए ।
कविता आधाउधी भएको थियो । उनको जीवनको भने अन्त्य हुन भयो । कविता वाचन गर्दा गर्दै ढलेपछि कार्यक्रम नै विथोलियो । हतार हतार गाडीमा डुम्रे स्थित लक्ष्मी सिटी हस्पिटल लगियो । तर बाटैमा उनको प्राण उड्यो ।
‘साह्रै दुःखद घटना भयो । कविता वाचन गर्दागर्दै फेन्ट भएर ढल्नुभो भने हल्ला भयो । गाडीमा पठाउँदै गर्दा निधन भयो ।’ कार्यक्रम स्थल पुगेका पत्रकार गंगाधर पराजुलीले भने– ‘कस्तो कविता पनि जब सम्म खोला बगिरहन्छ, म काँग्रेस भईरहन्छु, काँग्रेस रहिरहन्छ । यस्तै यस्तै भावमा थियो ।’
ढल्कँदो उमेरमा पनि तन्नेरी जोशका साथ चुनावी अभियानमा हिँड्ने उनको निधनले अपुरणीय क्षति पुगेको वरिष्ठ नेता पौडेलले बताएको पराजुलीको भनाई छ । मृतकको शव लक्ष्मी सिटी हस्पिटल डुम्रेमा रहेको छ । हस्पिटलमै पुगेर वरिष्ठ नेता पौडेल, गोविन्द भट्टराई लगायतले मृतकका आफन्तसँग भेटेर समवेदना प्रकट गरेका छन् ।
चुनावी प्रचार कार्यक्रममा पण्डित एक्कासी ढलेपछि कार्यक्रम प्रभावित भएको थियो । उनको मृत्यु भएपछि वरिष्ठ नेता पौडेलले विहिबारको सम्पूर्ण चुनावी कार्यक्रमहरु रद्द गरे । साथै पौडेलले काँग्रेसले एउटा असल र निष्ठावान कार्यकर्तालाई गुमाएको भन्दै शोक व्यक्त गरे ।
सम्बन्धित खबर
आजको मौसम पूर्वानुमान
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
नयाँ मौद्रिक नीति सार्वजनिक, बैंकदर र निक्षेप संकलनदर घटाइयो [पूर्णपाठ]
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
कीर्तिपुर नगरपालिकाका मेयर नकर्मीको निधन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग