रौतहट, २ मंसीर / रौतहटको चन्द्रपुरमा बाम गठबन्धनको भेलास्थलमा बम बिस्फोटन भएको छ । वाम गठबन्धनको संयुक्त वडा भेलालाई लक्षित गरी भएको बिष्फोटमा परी तीन बालबालिका सहित दर्जन घाइते भएका छन् ।
चन्द्रनिगाहपुरस्थित सरकारी अस्पताल नजिक रहेको राधाकृष्ण मन्दिरमा भेला हुने तयारीमा थियो । बिष्फोटमा परी नजिकै चिया पसल थापेर बस्ने ३१ बर्षिय सरीता राई र उनको ७ बर्षका छोरा जैबिक राई सख्त घाइते भएका छन् । सरीताको खुट्टा पुरै काम नलाग्ने भएको छ भने छोराको शरीरका विभिन्न भागमा गहिरो चोट लागेको छ ।
चन्द्रपुर नगरपालिकाकी ४५ बर्षकी लक्ष्मी राई, ५५ बर्षका रामबहादुर विक, ४८ बर्षकी कुन्ता खत्री, ३९ बर्षका गोपाल विक, ४५ बर्षकी दिलमाया राई, ५० बर्षकी एमुना काफ्ले लगायत घाइते छन् । एमाले कार्यकर्ता काफ्लेको हातको औंला चुडिएको छ ।
उनीहरुलाई वीरगञ्ज, चितवन र काठमाण्डौ पठाइएको छ । बिस्फोटन पछि चन्द्रनिगाहपुरका बासिन्दा त्रसित बनेका छन । बम कसले र किन विस्फोट गराएको हो भन्ने बारेमा अझै खुल्न सकेको छैन । घटना स्थलमा अहिले सुरक्षाकर्मी व्यापक मात्रामा परिचालन गरिएको छ । बाम गठबन्धनका स्थानीय नेता उद्धव रेग्मीले वडा भेला हुनुभन्दा केही समय पहिला नै बम बिष्फोट भएको जानकारी दिए ।
अहिले दिउँसो करीव तीन बजे विस्फोट भएको हो । सो भेलामा प्रदेश सदस्य उद्धव रेग्मी, निर्वतमान सांसद राम कुमार भट्टराई लगाएका नेताहरु सहभागी थिए ।
Pic. Pahadi Kumar Ashok
सम्बन्धित खबर
प्रस्तावित प्रधानन्यायाधीश शर्माविरुद्ध उजुरी आह्वान, १० दिनको समयसीमा
रास्वपाले आफ्ना सांसदलाई आजदेखि संसदीय अभ्यास र नेतृत्व विकास सम्बन्धी प्रशिक्षण दिँदै
सर्वोच्चले भन्यो– ‘सुकुमवासीलाई जबर्जस्ती नहटाउनू’
सुधारको नाममा राज्यका संस्थाहरू क्रमश: व्यक्ति केन्द्रित बनाइँदैछ: ओली
हर्कको श्रम संस्कृति पार्टीमा सुदन, बने वरिष्ठ नेता
प्रधानन्यायाधीश सिफारिसमा आपत्ति जनाउँदै हर्कले भने- चुपचाप घण्टी छापको करामत !
यो पनि पढौँ
कास्कीको रुपामा बुबाको हत्या गरेको आरोपमा छोरा पक्राउ
पाेखरामा सुकुम्बासीको आन्दोलन घोषणा
पोखरा विमानस्थल भ्रष्टाचार प्रकरणमा पूर्वमन्त्री कार्कीसहित १४ जनाविरुद्ध मुद्दा दायर
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’