विराटनगर, १२ मंसीर / लोकप्रिय पूर्व मन्त्री एवं मोरङ निर्वाचन क्षेत्र नम्बर ६ का प्रतिनिधि सभा सदस्य बाम गठबन्धनका साझा उम्मेदवार लालबाबु पण्डितलाई लक्षित गरी सकेट बम विस्फोट गराईएको छ ।
मंगलबार बिहान बुढीगंगा गाउँपालिकाको वडा नम्बर ५ तर्फ घरदैलो कार्यक्रममा जाने क्रममा हात्तीमुढा नजिकैको सडकमा बम विस्फोट भएको हो । पण्डित तथा उनका सहयोगी चढेको गाडी बम राखिएको ठाउँ पुग्नु अगावै विस्फोट भएको हो ।
पण्डितका सहयोगी तथा विद्यार्थी नेता ओसिम आलमले सवारीलाई लक्षित गरी बम विस्फोट गराइएपनि नेता पण्डित र आफूहरु सकुशल रहेको बताए ।
पण्डित पत्नी तथा एमाले नेतृ विमला महतले बिराटनगरबाट बुढीगंगा जाने क्रममा नराम्रो घटना गराउन खोजिएपनि अवस्था सामान्य रहेको र सुरक्षाकर्मीका अधिकारीहरु आएर घटनास्थल निरिक्षण गरेको जानकारी दिईन् । उनले यस्ता हर्कतले लालबाबु पण्डितको कार्यक्रम प्रभावित नहुने बताईन् ।
पण्डितले घरदैलो अभियानलाई भने निरन्तरता दिईरहेका छन् । उनी मंगलबार राति ८ बजेसम्मै घरदैलो कार्यक्रममा हिँड्नेछन् ।
यसैबीच, लालबाबु पण्डित जस्ता नेतालाई बलमे उडाउन खोज्नेले कस्तो देशको परिकल्पना गरेका हुन् ? भन्दै सामाजिक सञ्चालमा चर्को विरोध भईरहेको छ ।
लालबाबु पण्डित समग्र जनताको नेता भएको र देशका लागि आवश्यक नेता भएकाले उनलाई पूर्ण सुरक्षाका साथै यस्ता गतिविधि नगर्न पनि उनीहरुको अनुरोध छ ।
This will close in 4 seconds
सम्बन्धित खबर
नेपाल सीमा अतिक्रमणकारी देश होइन, प्रधानमन्त्रीले माफी माग्दै भनाई फिर्ता लिनुपर्छ : निश्कल राई
प्रधानमन्त्रीप्रति हर्कको कटाक्ष- सभामुखले बोलाउँदा आउनुहुन्न, बोकेर ल्याउने चलन छैन
सुधनमाथि छानबिनको झन्झट किन गरेको ? पहिल्यै होइन भन्देको भए भइहाल्थ्यो: गगन
मन्त्रिपरिषद् पूर्णता दिँदै प्रधानमन्त्री बालेन, गृहमा सुधन फर्काउँदै, नवप्रवर्तनमा महावीर पुन
बिवाईडीको कर प्रकरणमा एमालेको दाबी- ठोकेर भन्न सक्छौँ, घोटाला भएको छ
बालेनका कारण रवि रक्षात्मक, भन्छन्: प्रधानमन्त्री बोल्नु हुन्न, परराष्ट्रमन्त्रीले जवाफ दिनुहुन्छ
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु