पोखरा, ११ माघ । राष्ट्रिय सभा निर्वाचनका लागि प्रदेश नम्बर ४ बाट १२ जनाको मनोनयन दर्ता भएको छ ।
बिभिन्न चार पार्टीले आठ पदका लागि बुधबार क्षेत्रीय निर्वाचन कार्यालय पोखरामा मनोनयन दर्ता गरेका हुन् । मनोनयन दर्ता गर्नेमा काँग्रेस, एमाले, माओवादी केन्द्र र राष्ट्रिय जनमोर्चा रहेका छन् । पोखराको उच्च अदालत स्थित क्षेत्रीय निर्वाचन कार्यालय पोखरामा मनोनयन दर्ता गर्नेमा वाम गठबन्धनतर्फ एमालेबाट ४ र माओवादी केन्द्रबाट २ जनाको उम्मेदवारी परेको हो भने काँग्रेसबाट ४ जना र जनमोर्चाबाट २ जनाको उम्मेदवारी परेको हो ।
वाम गठबन्धनबाट खुलातर्फ एमालेका गणेशप्रसाद तिमिल्सिना (पर्वत), महिलातर्फ एमालेकी दीपा गुरुङ (लमजुङ), शान्ति अधिकारी (बागलुङ), अपांगतर्फ रामबहादुर थापा (स्याङ्जा), माओवादी केन्द्रबाट खुलातर्फ दीननाथ शर्मा (बागलुङ) र दलिततर्फ खिमकुमार बि.क. (स्याङ्जा) रहेका छन् । त्यसैगरी, काँग्रेसबाट खुलातर्फ सुरेन्द्रराज पाण्डे (गोरखा), महिलातर्फ विन्दा देवी रानामगर (कास्की), अपांगतर्फ प्रकाश पन्त (तनहँु) र दलिततर्फ जितबहादुर नेपाली (पर्वत) रहेका छन् ।
उता, राष्ट्रिय जनमोर्चाबाट खुलातर्फ कृष्ण अधिकारी (बागलुङ) र महिलातर्फ मीना पुन (बागलुङ) ले मनोनयन दर्ता गरेका छन् । बिहान १० बजेदेखि मनोनयन खुला गरिएको भए पनि दिउँसो २ बजेपछि मात्र दलहरुले उम्मेदवारी दर्ता गरेका हुन् । सुरुवातमा जनमोर्चाले मनोनयन दर्ता गरेकोमा क्रमशः वाम गठबन्धन र काँग्रेसले मनोनयन दिएका हुन् ।
प्रदेश ४ मा प्रदेश सदस्य र गाउँपालिकाका प्रमुख र उपप्रमुख गरी २ सय ३० जना मतदाता रहेका छन् । राष्ट्रिय सभाको निर्वाचन यहि माघ २४ गते हुँदैछ ।
तस्विरः पोखरा न्युज डटकमबाट
सम्बन्धित खबर
पार्किङ गरी राखेको मोटरसाइकल चोर्ने धादिङका गुरुङ पक्राउ
बदली र हिमपातको सम्भावना
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
आर्थिक अभावमा कोही पनि बालबालिका क्यान्सरको उपचारबाट बञ्चित हुनु पर्दैनः मन्त्री पौडेल
अर्थमन्त्री पौडेल डिस्चार्ज, मेयर आचार्य केहिदिन अस्पतालमै रहने
काठमाडौँ विश्वकै चौथो प्रदूषित सहर
यो पनि पढौँ
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो
पोखरामा बढ्यो प्रदूषण, बन्याे देशको प्रदूषित सहर