काठमाण्डौ, ७ फागुन / नवनियुक्त प्रधानमन्त्री केपी ओलीले शपथ लिएकै दिन तीन सदस्यीय मन्त्रिपरिषद् गठन गरे । प्रधानमन्त्री ओलीको सिफारिसमा राष्ट्रपति विद्यादेवी भण्डारीले एमाले सांसद लालबाबु पण्डित र थममाया थापा मन्त्री नियुक्त गरिन् ।

पहिलो रोजाइमै प्रधानमन्त्री ओलीले एमालेका पोलिटब्युरो सदस्य लालबावु पण्डितलाई जनसंख्या तथा वातावरण मन्त्रालयको जिम्मा दिए । मन्त्री भएकै दिनदेखि पण्डित चर्चामा छन् । दिनहुँ सफाई कार्यक्रममा पुगेका छन् । टेलिभिजननदेखि युट्युबसम्म अन्तर्वाता दिन भ्याई नभ्याई छ । धेरैले उनले अझै काम गर्नुपर्ने ठाउँको जिम्मेवारी दिनपर्ने प्रतिक्रिया दिई रहेका छन् ।

यसैबीच, मन्त्री पण्डित मन्त्री निवास सरेका छन् । तीनकुने सिथत डेराबाट सोमबार पूजापाठ गरी रितीपूर्वक निवासमा सरेका हुन् । जनतालाई सधैं केन्द्रबन्दिुमा राखेर निष्ठाको राजनीति गर्दै आएका पण्डित प्रजातन्त्रकै दिन मन्त्री निवास सरेका छन् ।

केहि तस्विरहरुः

.

.

.

.

पण्डित यसअघि सामान्य प्रशासनमन्त्री बनिसकेका व्यक्ति हुन् । उनी डिभीपिआर विरुद्धको ऐन ल्याएर चर्चित बने । हालै प्रतिनिधि सभा निर्वाचनमा पनि काँग्रेसका शीर्ष नेता शेखर कोइरालालाई उनकै क्षेत्रमा उठेर पनि हराएका थिए ।

तस्विरः स्वकीय सचिव ओसिम आलमको फेसबुकबाट