काठमाडौँ । पछिल्लो समय जनतामाझ एक पछि अर्को लोकप्रिय योजना र कामले मन जित्दै आएका जनसंख्या तथा वातावरणमन्त्री लालबाबु पण्डितले फेरी अर्को महत्वपुर्ण कुरा सार्वजनिक गरेका छन् ।

उनले पूर्व सांसदहरुलाई स्वास्थ्य बिमा गर्न आग्रह गरेका छन् । पूर्व सांसदहरुले सरकारले आफुहरुलाई उपचार खर्च दिनुपर्ने माग गरिरहेका बेला मन्त्री पण्डितले सरकारले रकम उपलब्ध नगराउने स्पष्ट स्पष्ट पारेका छन् ।

पूर्व सांसद मञ्च, नेपालले आजीवन सदस्य पुनःसंघीय संसद्का सदस्य बनेका मन्त्री तथा प्रतिनिधिसभाका सदस्यलाई बधाई तथा सम्मान गर्न आयोजित कार्यक्रममा उनले उपचार खर्च नभई नेपालकै अस्पतालमा उपचार गर्ने व्यवस्था गर्नुपर्नेमा जोड दिएका हुन् । मन्त्री पण्डितले भने- ‘उपचार खर्च दिँदा कतिपय अवस्थामा सरकार बदनाम पनि भएको छ, सरकारले पैसा दिने भएपछि विदेशमा गएर उपचार गर्ने चलन छ, त्यो रोक्नुपर्छ, धनीलाई भन्दा पनि कम पहुँच र कमजोर आर्थिक अवस्था भएकालाई दिनुपर्छ ।’

तस्विर: स्वकिय सचिव ओसिम आलम

 काठमाण्डु उपत्यकामा धुलोले क्यान्सरको मात्र बढाउने देखिएको अध्ययनबाट थाहा भएको उल्लेख गर्दै उनले एक वर्षभित्र काठमाण्डुलाई धुलोमुक्त बनाउनका लागि योजनाबद्ध रुपमा काम गर्ने बताए ।

मञ्चका अध्यक्ष ओमकारप्रसाद श्रेष्ठले सरकारले पूर्व पदाधिकारीलाई सुविधा दिने र पूर्व सांसदलाई नदिने गर्न नहुने उल्लेख गर्दै सबै सांसदबाटै गएको हुँदा सुविधा दिए सबैलाई दिनुपर्ने नदिए कसैलाई पनि दिन नहुने माग गरे ।