जनताका प्रिय लालबाबु पण्डित अहिले संघीय मामिला तथा सामान्य प्रशासन मन्त्री छन् । एकातिर स्थानीय निकायमा कर्मचारी अपुग छ । अर्कोतिर, घर जाने बेला भएकाले समेत ७ वर्षको एकमुष्ट उपदान पाउने गरी राज्य नै कंगाल हुने अवस्था हुन नदिन स्वेच्छिक अवकाशमा मन्त्री पण्डितले कडाई गरेपछि कर्मचारीको होसहवास् उडेको छ । यसैबेला कर्मचारीका नेताहरु लालबाबुमाथि खनिन थालेका छन् । कामचोर प्रवृत्तिका कर्मचारी पनि उत्तिकै आक्रोशित छन् ।
मन्त्री पण्डितका स्वकिय सचिव ओसिम आलम हुन् । केहि अनलाइनबाट उनका बारे समाचार प्रकाशित भएपछि आलमले यसको खण्डन गरेका छन् । यसलाई उनले लालबाबु पण्डितलाई असफल पार्ने षड्यन्त्रका रुपमा लिएका छन् । उनको प्रष्टिकरण उनकै शब्दमा:
‘नेपालमा इमान्दारिताका साथ प्रत्रकारिता गर्ने साथीहरुलाई म के आग्रह गर्न चाहन्छु भने गलत मानिसले गर्दा पत्रकारिता क्षेत्र नै बदनाम भएको छ । गोजीमा बोकेर हिँड्ने अनलाइनहरुले गर्दा साच्चिकै पत्रकारिता गर्ने र जनता र देशको हक हितका लागि सही सूचना प्रदान गर्ने संस्था तथा व्यक्तिहरुको पनि छवी धमिलो हुने भएकाले म के आग्रह गर्छु भने त्यस्तालाई पत्रकारका संघ संस्थाहरुले कारबाही गर्नुपर्छ । अर्काको चरित्र हत्या गर्ने खालका गलत र भ्रामक समाचार बनाउनेहरुलाई नियन्त्रण गरिएन भने अन्य राम्रा मिडियाप्रति पनि आम जनमानसको नजर खराब हुन्छ ।
भ्रामक र गलत समाचार बनाएर ओसिम आलमको चरित्र हत्या गर्ने जुन काम भएको छ, एक रुपैया पनि गलत काम गरेको प्रमाणित गरे म सजाय भोग्न तयार छु । नभए प्रेस काउन्सिलले ती मानिसहरुलाई कारबाही गर्नुपर्छ । प्रत्रकार हुँ भनेर जे पनि गर्न पाउने अधिकार कसैलाई छैन । यसको प्रेस कान्सिलमा मुद्दा दर्ता गरेको छु । अब म अदालत जान्छु । एक रुपैयाँ खाएको प्रमाणित भए म पार्टीगत तथा व्यक्तिगतरुपमा जे सजाय हुन्छ भोग्न तयार छु । मेरो बुझाई के हो भने गलत मानिसहरुको संयन्त्र जहाँपनि हुन्छ ।
संघीय मामला तथा सामान्य प्रशासन मन्त्री लालबाबु पण्डितसंग जोडिएर ओसिम आलमको चरित्र हत्या गर्न पाइयो भने गलत नियत र व्यबहार गर्नेहरु सफल हुन पाईन्छ भन्ने देखिएको छ । केही ३१ जना अधिकृतको सरुवा गरेको समाचार सबैभन्दा पहिले नयाँ पेज अनलाइनको प्रवीन कुलुङ राईलाई मैँले दिएको हुँ । त्यो सरुवा भएको समाचार वेबसाइटमा पहिले हालेको छ । वेवसाइटमा हालेको न्युज बदलिन्छ ? जो मानिसले मिडियामा यो यो सरुवा भए भनेर दिन्छ । त्यही मानिसले बदल्छ ?
यो भनेको अहिले जनताको काम गर्न जान नचाहने कर्मचारीहरु, राज्यले खटाएको ठाउँमा जान नचाहने कर्मचारीको मिलेमोतोमा भ्रामक र मन्त्रीज्यूलाई सफल हुन नदिने नियतले समाचार बनाइएको हो । प्रधानमन्त्री र मन्त्रीले खटाएको ठाउँमा जान नचाहने, काठमाडौँमा मात्रै घुम्न रुचाउनेहरुले सिर्जना गरेको भ्रम हो । यसमा कुनै शंका छैन । पत्ता लगाउँदै छौँ । पत्ता लागे पछि उनीहरुलाई कारबाहीको दायरामा ल्याउछौं । केही यस्ता खराब र नियोजित रुपमा सत्य भन्दा फरक असत्यलाई बोकेर हिँड्ने र लाग्ने व्यक्तिहरुको कारण नेपाली पत्रकारिता क्षेत्र बदनाम नहोस् । त्यस्ता व्यक्तीहरुलाई कारबाही गर्नैपर्छ ।’
सम्बन्धित खबर
आजको मौसम पूर्वानुमान
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
नयाँ मौद्रिक नीति सार्वजनिक, बैंकदर र निक्षेप संकलनदर घटाइयो [पूर्णपाठ]
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
कीर्तिपुर नगरपालिकाका मेयर नकर्मीको निधन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग