काभ्रे, ५ वैशाख– हलुका खालका सवारी साधन मात्र गड्ने गरी निर्माण गरिएको बिपी राजमार्ग बालुवा र गिट्टी बोक्ने टिप्परका कारण क्षतिग्रस्त बन्दै गएको छ । टिप्परकै कारण राजमार्गमा गुड्ने अन्य साना गाडीका यात्रुहरुले ठूलै समस्या भोग्नु परेको छ ।
सर्वसाधारणले त समस्या भोगेका छन् नै संघीय सरकारका मन्त्री समेत टिप्परको आतंकबाट पीडित भएका छन् । मंगलवार बिपी राजमार्ग हुँदै महोत्तरीको बर्दिवास जान लागेको शिक्षा मन्त्री गिरिराजमणि पोखरेलेको गाडी टिप्परको ठक्करबाट क्षतिग्रस्त बनेको छ ।
बा ४ ख ९४८६ नम्बरको टिप्परले ठक्कर दिँदा मन्त्री पोखरेल चढ्ने बा २ झ ३३९७ नम्बरको गाडीका चालक समेत सामान्य घाइते भएका छन् । टिप्परको ठक्रबाट गाडीको अगाडिको भाग पूर्ण रुपमा क्षतिग्रस्त भएको छ ।
विद्यालय भर्ना अभियानसम्बन्धी कार्यक्रममा सहभागी हुन शिक्षामन्त्री पोखरेल गृहजिल्ला जान लागेकाले खाली गाडी बिपी राजमार्ग हुँदै बर्दिवास जाँदै थियो । मन्त्री भने प्लेनमार्फत् गृहजिल्ला गएकाले दुर्घटनाबाट जोगिए ।
जिल्ला प्रहरी कार्यालयका प्रमुख प्रहरी उपरीक्षक (एसपी) सहकुल थापाले मन्त्रीको गाडीलाई ठक्कर दिने टिप्पर र चालकलाई नियन्त्रणमा लिइएको बताए । गाडीमा भएको क्षतिको पूर्ति गरेपछि उनीहरुलाई छाडिने एसपी थापाले बताए ।लोकान्तरमा न्युज छ ।
सम्बन्धित खबर
रवि भारततर्फ, भने- ‘भाकल पूरा गर्न भारत जान लागेको हुँ, राजनीतिक खिचडी नपकाउनुहोला’
दसैं मान्न गाउँघर गएकाहरू फर्किन थाले, शहरबजारमा बढ्यो चहलपहल
आगामी मङ्गलबारदेखि एक हप्ता देशभर झरीको सम्भावना
रविलाई दाइ हरिशरणका पाँच सुझाव : प्रदेशको विषयमा स्पष्ट धारणा बनाउनु
सुनकोशीमा जिप खस्दा ३ जनाको मृत्यु: ४ घाइते, ३ बेपत्ता
जीबी राईको अडियो प्रायोजित हुन सक्छ : हर्क साम्पाङ
यो पनि पढौँ
पोखरामा स्कुल बस दुर्घटनाः थप एक जना विद्यार्थी रहेनन्
स्याङ्जामा स्कुटर दुर्घटना हुँदा एक महिलाको मृत्यु
जीबी राईको अडियो प्रायोजित हुन सक्छ : हर्क साम्पाङ
युरोपभर अस्थिरता : फ्रान्स, बेल्जियम, इटली र पोर्चुगलमा प्रदर्शन