काठमाडौं : राष्ट्रकवि माधव घिमिरे अाइतबार १००औँ जन्मदिन मनाउँदैछन्। १००औँ जन्मदिनको अवसरमा घिमिरे काठमाडौं लैनचौरस्थित निवासमै विशेष पूजामा सहभागी भएका छन्। ‘१००औँ जन्मदिन मनाइरहँदा कस्तो अनुभव भइरहेको छ?’, थाहा खबरको प्रश्नमा उनले भने, ‘म सय वर्ष बाँचेकै जनताको आशीर्वाद र मायाले हो। सबैको मायाले झन् जवान भएको अनुभूति भइरहेको छ।’
जीवनका आरोह अवरोहमा धर्मपत्नी महाकालीले बिनास्वार्थ स्याहार सुसार गरेकीले अाफू यो अवस्थामा अाइपुगेको उनले बताए। घिमिरे लमजुङको पुस्तुनमा वि.सं. १९७६ असोज ७ गते पिता गौरीशङ्कर र माता द्रौपदीका जेठा छोराका रूपमा जन्मिएका थिए। राष्ट्रकवि घिमिरेकी धर्मपत्नी महाकाली भोलि ८४ लाग्दैछिन्।
‘आफ्नी जीवनसंगिनीको ८४ को पूजा खाने भाग्यमानी श्रीमान् हुन पाउँदा खुशी लागेको छ’, उनले भने, ‘आफू सय वर्ष पुगेकोभन्दा श्रीमती ८४ पुगेको कुराले बढी हर्षित छु।’ ‘अब भने बुढ्यौली लागेको अनुभूति भइरहेको छ’, घिमिरेकी पत्नी महाकालीले भनिन्। राष्ट्रकविलाई शुभकामना दिन केहीबेरमा राष्ट्रपति विद्यादेवी भण्डारी लैनचौर पुग्ने कार्यक्रम छ।
सम्बन्धित खबर
कमलरी अभियन्ता उर्मिला चौधरीलाई अन्तर्राष्ट्रिय अवार्ड
काठमाडाैंदेखि पाेखरासम्म अर्जुनको दाैड
स्कूल बसको ठक्करबाट एक बालिकाको मृत्यु, स्थानीयले जलाए बस
माओवादी केन्द्रले कार्तिक १० गते काठमाडौँमा जनप्रदर्शन गर्ने
यी स्थानमा बदली र वर्षाको सम्भावना
राजनीतिमा शुद्धीकरण र जनताको चेतनास्तर बढेमात्रै समुन्नति हुन्छ: डा. भट्टराई
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन