पाेखरा, ११ कार्तिक । गण्डकी प्रदेश यातायात व्यवस्था सवारीचालक अनुमतिपत्र कार्यालयले स्मार्ट लाइसेन्स वितरण सुरु गरेको छ । कार्यालयबाट अहिलेसम्म ५ हजार स्मार्ट लाइसेन्स वितरण भइसकेको कार्यालय निमित्त प्रमुख गोकुलप्रसाद शर्मा पौडेलले बताए ।
‘गतवर्ष असार ५ गतेबाट स्मार्ट लाइसेन्स दिन सुरु गरेको भएपनि स्मार्ट लाइसेन्स अभावका सबैलाई वितरण गर्न सकेको थिएनौं,’ निमित्त प्रमुख पौडेलले भने, ‘अहिले पनि चालु आर्थिक वर्षको भदौसम्मको मात्रै लाइसेन्स आएको छ ।’ उनले भदौसम्ममा आवेदन दिएका ६ हजार जनाको मात्रै स्मार्ट लाइसेन्स आएको जानकारी दिए ।
सेवाग्राही बढि तर सोही मात्रामा नेपाल सरकारले स्मार्ट लाइसेन्स छाप्न नसक्दा सेवाग्राही मर्कामा परेको उनी बताउँछन् । ‘अहिले निजी संस्थालाई लाइसेन्स छाप्न अधिकार दिएको छ । अबको २÷३ महिनाभित्र स्मार्ट लाइसेन्स अभाव हुँदैन,’ उनले समाधानसँग भने । दैनिक १० हजार लाइसेन्स माग भएपनि स्मार्ट लाइसेन्सकै अभावमा कार्यालयले ‘चिट’का आधारमा सेवाग्राहीलाई सेवा दिइरहेको थियो । समाधान दैनिकका लागि विकास रोकामगरले न्युज लेखेका छन् ।
भदौसम्मका ६ हजार लाइसेन्स आए पनि गण्डकी प्रदेशमामात्रै ७० हजारले स्मार्ट लाइसेन्स पाउन बाँकी रहेको पौडेलले सुनाए । ‘वितरण गर्नुपर्ने ७० हजार बाँकी छ । त्यो ३ महिनाभित्रै वितरण गरिसक्ने लक्ष्य राखेका छौं ।’ नेपाल सरकारले अबदेखि दैनिक २० हजार लाइसेन्स छाप्न निजी कम्पनीलाई अधिकार दिएकाले सबैको हातमा छिट्टै स्मार्ट लाइसेन्स हुने उनले दाबी गरे ।
यातायात व्यवस्था विभागको स्मार्ट लाइसेन्स छाप्ने अधिकांश डिजिटल प्रिन्टर बिग्रिएर थन्किएपछि गण्डकीका दैनिक १० हजार सेवाग्राही मर्कामा परेका हुन् । प्रिन्टर बिग्रिएपनि विभागले मंगलबारबाट निजी कम्पनीलाई लाईसेन्स प्रिन्टको जिम्मा दिएर अभाव परिपूर्ति गर्ने भएको हो ।
विभागको मेसिन बिग्रिएपछि ब्याकलक (छाप्न बाँकि) मात्रै करिब ६ लाख लाइसेन्स पुगेको थियो । त्यसको विकल्प स्वरुप विभागले निजी कम्पनीलाई अधिकार दिएरै भएपनि ब्याकलक हटाउने निणर्य गरेको हो ।
विभागले लाइसेन्स छाप्न निजी कम्पनी मालिका इन्कर्पोरेटलाई जिम्मेवारी दिएको छ । मालिकाले २० वटा प्रिन्टर प्रयोग गरेर दैनिक २० हजार लाइसेन्स छाप्ने जानकारी दिएको हो । नेपाल सरकार र मालिकाबीच सुरूको ३० हजारसम्म प्रतिकार्ड १३ रूपैयाँ र बाँकीमा प्रतिकार्ड १५ रुपैयाँमा छाप्ने सहमति भएको छ ।
मालिकाले मद्रास प्रिन्ट्सबाट कार्ड ल्याउने छ । यातायात विभागले सेवाग्राहीलाई प्लास्टिकको कभर हालेर लाइसेन्स दिने भएको छ । कार्ड प्लास्टिकको कभर हालेर वितरण गरे सुरक्षित हुने, अक्षर नमेटिने, नकोरिने विभागको विश्वास छ ।
सम्बन्धित खबर
पोखराबाट पर्वतको सेतीवेणी हुँदै गुल्मीको रिडीसम्म ५६ किमि सडक ट्रयाक खुल्यो
पोखरा जोड्ने राजमार्गको बिजोग: हिलो र धुलोले सास्ती
पोखरामा पर्यटकलाई राम्रो होटल मिलाइदिने भन्दै बार्गेनिङ गर्नेहरू पक्राउ
ट्राफिक नियम पालना गर्न झन्झट नमानौं: मुख्यमन्त्री अधिकारी
पोखरा १० मा आधारभूत ब्यूटिसियन तालिम सुरु
जन्मदिनको अवसरमा युवा यातायात व्यवसायी मल्लद्वारा वृद्धाश्रममा सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग