काठमाडौ । नेपाली चेली मेनुका पौडेल भारतीय रियालिटी शो सारेगमपको शीर्ष १३ मा पुगेकी छिन् । मेनुकाले जि टिभीबाट प्रशारण भइरहेको आइतबारको शोमा फिल्म खुबसुरतको ‘पिया बाबरी’ बोलको गीत गाउँदा जजहरु उठेर उनको हौसला बढाएका थिए ।
उनको प्रस्तुतीलाई जुरीका सदस्यले ९९.३ प्रतिशत अंक दिए । जज साजिद खानले उनको प्रशंसा गर्दै भने, ‘तपाईंले निकै सुन्दर तरिकाले यो गीत गाउनुभयो । तबलाको बोल, सरगम निकै राम्रो थियो, डायनामिक्स कमालको थियो ।
समग्रमा तपाईंको प्रस्तुती निकै शानदार थियो । ’ यस्तै अर्का जज शेखर दादलानीले उनलाई ‘बेटा’ भनेर सम्बोधन गर्दै भने, ‘तिमीले जसरी गाइरहेकी छौ, त्यसरी नै निडर भएर गाउ ।’ यस्तै, बलिउडकी डिम्पल गर्ल भनेर चिनिने प्रिटी जिन्टाले पनि उनको खुलेरै प्रशंसा गरिन् ।
उनले भनिन्, ‘तपाईं भित्र जुन सुर छ, जुन भावना छ, त्यो निकै शुद्ध छ । त्यसकारण बधाई, प्रस्तुती निकै राम्रो थियो ।’ यस्तै, कार्यक्रमका प्रस्तोता आदित्य नारायणले उनीसँग नेपाली भाषामा कुरा गर्दैै भने, मेनुकाजी, एकदमै राम्रो लाग्यो ।’
उनले मेनुकालाई नेपाली भाषामै प्रश्न पनि सोधे, ‘तपाईंलाई सारेगमपमा आएर कस्तो लागेको छ ?’ जवाफमा मेनुका भन्छिन्, ‘मलाई एकदम खुसी लागेको छ ।’
सम्बन्धित खबर
उपप्रधानमन्त्री उपेन्द्र यादवले दिए राजीनामा
दाङमा बञ्चरो प्रहारबाट २ जनाको हत्या
बदली र वर्षाको सम्भावना कहाँ-कहाँ?
श्रीमतीको उजुरीपछि रवि ओडले गरे आत्मसमर्पण
बत्तीसपुतलीस्थित बीच सडकमै युवकको हत्या
यी स्थानमा वर्षाको सम्भावना
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग