नेगम परियार, मनाङ । हिमाल पारीको जिल्ला मनाङमा पुनः हवाईजहाज सञ्चालनमा आउने भन्ने खबर सुनेपछि मनाङे हर्षित थिए । तर जहाज नआए पछि हात्ती आयो, हात्ती आयो फुस्स भने झैं भयो ।
यहि पौष २४ गतेबाट मनाङ पोखरा सिधा हवाई सुधिधा हुने भनिएता पनि मौषमको समस्या देखाउँदै हवाई हाललाई हवाई सञ्चालन रद्ध गरिएको मनाङ जिल्लाका प्रमुख जिल्ला अधिकारी रुद्र नाथ देवकोटाले बताए ।
यहि पौष २४ गते मंगलबार बाट सञ्चालनमा आउने भनिएता पनि एक दिन अगाडी नै हिमपातका कारण उडान गर्न नसकिने प्रदेश सरकारको उद्योग, पर्यटन, वन तथा वातावरण मन्त्रालयको बैठकले उडान स्थगित गरीएको परिपत्र आएको उनले बताए ।
अब पुनः मौषम सुधारिएसंगै फागुनबाट मात्र सञ्चालनमा आउने संकेत पाएको उनको भनाई छ । मनाङ जिल्लाको मनाङ ङिस्याङ्ग गाउँपालिकामा रहेको हुम्डे एयरपोर्टबाट उडान सञ्चालनमा आउने खबर सुने पछि स्थानियबासीहरु लगाएत सबैमा खुशियाली छाएको थियो ।
२०७० साल बाट बन्द रहेको उक्त एयरपोर्टमा त्यसअघि मनाङबाट पोखरा हप्तामा दुई पटक नेपाल वायुसेवा निगमले उडान सेवा दिँदै आएको थियो । मनाङमा पुनः पाँच बर्ष पछि हवाई सेवा सञ्चालनमा आउन लागेकोमा तत्कालको लागि यो सेवा सञ्चालनमा नआउने भएको छ ।
मनाङको हुम्डे बिमानस्थल २०३९ साल असोजबाट सञ्चालनमा आएको थियो । हुम्डे बिमानस्थल समुन्द्र सतह देखि तीन हजार तीन सय तीस मिटरको उचाईमा रहेको छ ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
डढेलो लगाउनेलाई जन्मकैद हुनुपर्छः मुख्यमन्त्री अधिकारी
एशिया कप ट्रायथलन : इजिप्टका सिफेल्दिन र इजरायलकी इड्डा बने च्याम्पियन
फूलबारीमा अटो दुर्घटना हुँदा दुई जना घाइते
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग