Gandak News
Our News Your Views

एक हजारको रक्सीले युवाको ज्यान गयो, दुईजना पक्राउ

साथीभाई संग रक्सी खाएर रमाईलो गर्न घरमा मागेर लगेको एक हजार रुपैयाँले पर्वतको मोदी गाउँपालिका वडा नंं ८ चित्रेमा एक युवकको ज्यान गएको छ । घरबाट लगेको हजार रुपैयाको रक्सी साथीलाई खुवाउँदा उल्टै साथीकै कुटपिटबाट ती युवकको ज्यान गएको हो ।

गत मंगलवार राती ९ बजेको समयमा सँगै बसेर मदिरा सेवन गरेका युवाहरुबीच झगडा हुँदा स्थानीय ३३ वर्षिय सन्तोष भन्ने गंगाप्रसाद विकको हत्या भएको हो । चित्रे स्थित नेपाने सादी खोलामा कुटपिट गरी वि।क।लाई मारेको आरोपमा स्थानीय दुई युवा पक्राउ परेका छन्। मृतक सन्तोषले घरबाट १ हजार लिएर हिडेको आफन्तले प्रहरीलाई बताएका छन ।

युवाको हत्या भएका सुचना पाए लगत्तै प्रहरी नायव उपरीक्षक भुवनेश्वर तिवारीको नेतृत्वमा खटिएको टोलीले सोहि ठाउँको सामुदायिक जंगलमा लुकिछिपि रहेको अवस्थामा २३ वर्षिय दलवहादुर नेपाली र २३ वर्षकै रविन सुनारलाई पक्राउ गरिएको छ । भने मुख्य अभियुक्त २६ वर्षिय कृष्ण वहादुर सुनार पनि शुक्रबार बिहान फलो परेका छन ।

मंगलवार राती ९ बजेको समयमा मृतक गंगाप्रसाद विक र पक्राउ परेका नेपाली र सुनार तथा फरार रहेका कृष्णलेसंगै वसी मादक पदार्थ सेवन गरी घर फर्कने क्रममा सामान्य विवाद हुँदा तीन जना मिलेर गंगाप्रसादको हत्या गरेको प्रहरीले जनाएको छ ।

क्राउ परेका दुई जना युवाहरुलाई बिहीवार पर्वत जिल्ला अदालतवाट ७ दिनको म्याद थप गरी थप अनुसन्धान कार्य भैरहेको छ भने अर्का अभियुक्तलाई पनि शुक्रबार म्याद थप गरिने प्रहरी नायब उपरिक्षक भुवनेश्वर तिवारीले जानकारी दिए । मृतक विकको शब पोष्टमार्टमका लागि जिल्ला अस्पताल पर्वतमा राखिएको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको