सरोज अर्याल, स्याङ्जा : मुस्लिम समुदायका गरिब तथा विपन्न परिवारका बालबालिकालाई व्यवस्थित छात्राबास र मदरसा (पाठशाला) बनाउन जिल्ला सदरमुकाममा पहिलो पटक जल्सा (महायज्ञ) आयोजना गरिने भएको छ । स्थानीय स्याङ्जा मुस्लिम समाजको आयोजनामा जल्सा गरिन लागेको हो ।
चैत्र २३ गते एक दिन संचालन हुने जल्साबाट ५० लाख भन्दा बढि आम्दानी र २० लाख भन्दा माथि खर्च हुने समजाले अनुमान गरेको छ । समाजका अनुसार बचत रकमबाट विपन्न परिवारका बालबालिकालाई निःशुल्क छात्राबास र उनीहरुलाई पठनपाठनका गराउनका लागि भौतिक संरचना निर्माण गरिनेछ ।
जल्सामा स्वदेश र बिदेशका मुस्लिम समुदायका कारी, आलीम, हाफिज, मौलाना (शिक्षक) को सहभागिता रहेनछ । बेलायतबाट आउने शेयद नुरानी हास्मी मियाँ, भारतबाट आउने अब्बुल हक्कानी सहित ४ जना र नेपालका हजरत जयस मोहम्मद सिद्धिकी (शेरे नेपाल) ले जल्सामा कुरान (ग्रन्थ) वाचन गर्ने संघका अध्यक्ष शेरअलि मियाँले जानकारी दिए ।
जल्सा (धार्मिक प्रवचन ) जिल्ला सदरमुकास्थित बाडखोलामा गरिनेछ र कार्यक्रमको उद्घाटन शहरी विकास मन्त्री इस्तियाक राईबाट हुने आयोजक सदस्य शाहा खालिद मियाँले बताए । देशभरबाट करिब १० हजार मुस्लिम अगुवाहरुको भेलामा उपस्थिति रहनेछ । २३ गते दिन र रात गरी २४ घण्टा जल्सा संचालन हुने समाजले जनाएको छ । जल्सालाई भब्य बनाउन स्थानीय मुस्लिम समुदायका सदस्यले तयारीलाई तिव्रता दिएका छन् ।
मुस्लिम समुदायका बालबालिका सरकारी विद्यलयमा जाने भएपनि आफ्नो संस्कृति जर्गेना गर्न जल्सा आयोजना गरिएको हो । समाजका सचिव सामोहम्मद मियाँले भने, जल्साबाट वचत रकमबाट कारी, आलीम, हाफिज र मौलानाहरुको उत्पादन गरिनेछ । बिहान र बुलेकी संचालन हुने पाठशालाबाट उनीहरुलाई तयार गरिने मियाँले बताए ।
समाजले १ सय ५० क्षमताको आधुनिक छात्राबास बनाउने योजना अगाडि सारेको छ । छात्राबास निर्माणका लागि झण्डै ५० लाख लागत लाग्ने अनुमान गरिएको छ । समाजका अनुसार संकलित रकमबाट पाठशालाका अतिरिक्त कब्रस्तान (समाधी स्थल) को व्यवस्थापना गरिनेछ ।
विश्वका विभिन्न देशमा सिया र सुन्नी दुई समूहका मुस्लिम रहेपनि स्याङ्जामा सुन्नी मुस्लिम समुदायको बसोबास छ । गरिबी र अशिक्षाबाट ग्रहसित समुदायले पछिल्लो समय समाजका हरेक क्षेत्रमा आफूलाई अब्बल बनाउँदै लगेको स्थानिय हाजि सम्सुद्धिन मियाँले बताए ।
सम्बन्धित खबर
उपेन्द्र यादव नेतृत्वको जसपा फुट्यो, अशोक राईसहित ७ सांसदले दिए नयाँ दल दर्ताका लागि निवेदन
ललितपुरमा आगलागी, एकै परिवारका पाँचजना घाइते
जापानका परराष्ट्रमन्त्री योको आज नेपाल आउँदै
आज देशभरको मौसम कस्तो रहन्छ?
आजको मौसम पूर्वानुमान
एक सय रुपैयाँको नोटमा चुच्चे नक्सा राख्ने निर्णय
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग