अश्विन दानी, पोखरा । गत चैत १७ गते बारा र पर्सामा गएको हावाहुरी पीडित परिवारलाई गण्डकी प्रदेश सरकारले एक करोड रुपैँया सहयोग दिने भएको छ । बिहीबार गण्डकी प्रदेश सरकारले मन्त्रीपरिषद बैठकबाट हावाहुरी पिडित परिवारको आवास पुननिर्माणका लागि सहयोग रकम दिने निर्णय पारित गरेको हो ।
‘बारा र पर्सामा आएको बिनासकारी हावाहुरीका कारण २८ जनाले ज्यान गु्माउनु पर्यो भने ६ सय भनदा बढि घाइते भएका छन् र १ हजार भन्दा बढी घरहरु क्षतिग्रस्त भएको छ’ गण्डकी प्रदेश सरकारका प्रवक्ता तथा भौतिक पूर्वाधारमन्त्री रामशरण बस्नेतले भने, ‘त्यो घटना प्रदेश नं २ का लागि मात्रै नभएर हामी सबै नेपालीहरुको लागि दुखको कुरा हो । तसर्थ आज बसेको मन्त्रीपरिषदको बैठकबाट निर्णय गरी हाम्रो प्रदेश सरकार मार्फत हावाहुरी पिडित परिवारको घर पुननिर्माणका लागि एक करोड रुपैँया सहयोग दिने निर्णय गरेका छौँ ।’ पीडितको घर पुननिर्माणका लागि सहयोग दिने रकम तत्कालै प्रदेश नम्बर २ को खातामा पठाइने मन्त्री बस्नेतले बताए ।
बारा र पर्साका हावाहुरी पीडितका लागि प्रदेश नम्बरं १, ३, ५ सरकारले एक/एक करोड रुपैँया सहयोग प्रदान गरिसकेका छन् भने कर्णाली र सुदुर पश्चिम प्रदेश सरकारले पनि यस अघि नै राहतस्वरुप एक/एक करोड सहयोग रकम प्रदान गर्ने निर्णय गरिसकेका छन् ।
आज बसेको मन्त्रीपरिषद बैठकले प्रदेशसभाको चालू हिउँदे अधिवेशन आगामी बैशाख ७ मा अन्त्य हुनेगरी प्रदेश प्रमुखको कार्यालयलाई सिफारिस गर्ने निर्णय गरेको छ । अधिवेशन गत पुस २३ मा सुरु भएको थियो । बैठकले विभिन्न कार्यबिधि पनि पारित गरेको मन्त्री बस्नेतले बताए ।
सम्बन्धित खबर
मादी गाउँपालिकामा सोँथर बेँसी टारी बजार मेला सुरु, गोरु जुधाइँ प्रतियोगितामा पदमबहादुरको गोरु प्रथम
कोटिहोम आयोजनामा अवरोध नगर्न पोखरा महानगरलाई उच्च अदालतको आदेश
अदालतबाट दोषी ठहर भई फरार १५३ जना कास्कीबाट पक्राउ
नेकपा (माओवादी केन्द्र) बागलुङ–पोखरा समन्वय समिति अध्यक्षमा कुलचन्द्र सर्वसम्मत
पोखरामा प्रदेश स्तरीय लोक दोहोरी प्रतियोगिता हुँदै
पोखराको मुस्ताङचोकमा आफ्नै भवनबाट नमस्ते हस्पिटलको सेवा सुरु
यो पनि पढौँ
लेकसाइडमा मध्यराति मोटरसाइकल दुर्घटनाः पोखराका दुई युवकको मृत्यु
स्कुल बस दुर्घटना हुँदा आठ वर्षीय बालक र चालकको मृत्यु, ३९ जना घाइते
स्याङ्जामा पहिलो नेपाली नागरिकताको पुनः प्राप्ति
पोखरामा कोटीहोम नगरी कुनै पनि हालतमा फर्किन्नः धर्मगुरु कृष्णमूर्ति