पोखरा । मोरङ घर भई हाल पोखरा महानगरपालिका वडा नम्बर १० बस्ने ५२ बर्षीय हरेन्द्र चौधरीको ओछ्यानमै मृत्यु भएको छ । पोखराको औद्योगिक क्षेत्र भित्र टेन्ट टाईलमा कार्यरत चौधरीको सोमबार सुतिरहेको ठाउँमा नै मृत्यु भएको प्रहरीले जनाएको छ ।

प्रहरीका अनुसार आज बिहान चौधरी काममा नआएपछि साथिहरुले उनि सुतेको ठाउँमा हेर्न जाँदा मृत अबस्थामा भेटिएको हो । घटनाको विषयमा थप अनुसन्धान भईरहेको छ ।

सवारी दुर्घटनामा परि नवलपरासीमा एक महिलाको मृत्यु
पूर्व—पश्चिम सडक खण्डमा बसले पैदल यात्रीलाई ठक्कर दिँदा एक जनाको मृत्यु भएको छ । सोमबार ना ५ ख ५१८२ नं. को बसले नवलपरासीमा अन्दाजी ६५ वर्षीया मोती गिरीलाई ठक्कर दिएको हो ।

बसको ठक्करबाट घाइते भएकी गिरीको उपचारको क्रममा चितवनको नयाँ मेडिकल कलेजमा मृत्यु भएको हो । हाल बस र चालकलाई नियन्त्रणमा लिई घटनाको विषयमा थप अनुसन्धान भईरहेको प्रहरीले जनाएको छ ।